२ श्रावण २०८१, बुधबार Wednesday 17 July, 2024

रजनीकान्त ऐश्वर्यासँग फेरि रोमान्स गर्दै

 बुधबार, फाल्गुन ४ २०७८  

मुम्बई(बलिउड लाइफ)—तमिल सुपरस्टार रजनीकान्तको फिल्मको नाम आउनासाथ उनका फ्यानमाझ अलग किसिमको उत्साह आउँछ । केही समयअघि मात्र उनले निर्देशक नेल्सन दिलीप कुमारसँग नयाँ फिल्ममा सहकार्य गर्ने घोषणा गरेका थिए ।

फिल्मको नाम हालसम्म ‘थलाइवार १६९’ राखिएको छ । गत फेब्रुअरीमा निर्माताले एक भिडियो सार्वजनिक गर्दै प्रोजेक्टको बारेमा जानकारी दिएका थिए । भिडियोमा रजनीकान्तका अलावा निर्देशक दिलीप र संगीतकार अनिरुद्ध रविचन्दर पनि देखिएका थिए । संगीतकार अनिरुद्ध हालका दिनमा फिल्मको गीत कम्पोज गरिरहेका छन् ।

निर्माताले रजनीकान्तको यो फिल्मको बाँकी कलाकारलाई लिएर हालसम्म विस्तृत जानकारी दिन चाहेको छैन । तर फिल्म स्रोतका अनुसार रजनीकान्तसँग अभिनेत्री ऐश्वर्या राय बच्चनले पुनः एकपटक रोमान्स गर्दैछिन् । निर्माताले अभिनेत्री ऐश्वर्यालाई अभिनयको प्रस्ताव गरेका छन् । ऐश्वर्याले निर्माताको प्रस्तावलाई सकारात्मक रुपमा लिएकी छन् ।

रजनीकान्त र ऐश्वर्याले सन् २०१० मा रिलिज फिल्म ‘रोबोटमा एकसाथ काम गरेका थिए । यो फिल्मलाई दर्शकले निकै रुचाएका थिए ।

प्रतिक्रिया सबै