zoom pcr testing reviews zoom us client for meeting download zoom app banned in india zoominfo stock forecast - zoominfo stock forecast zoom app countdown timer
१२ मंसिर २०७९, सोमबार Monday 28 November, 2022

पूर्वी चितवन १३२ केभी सबस्टेसनको उद्घाटन

 बुधबार, चैत्र १६ २०७८  

चितवन। चितवनको राप्ती नगरपालिकाको हर्दीमा निर्माण भएको सबस्टेशनको उद्घाटन गरिएको छ ।

सरकार र नेपाल विद्युत प्राधिकरणको संयुक्त लगानीमा राप्ती नगरपालिका–६ स्थित हर्दीमा निर्माण भएकोे पूर्वी चितवन १३२/३३/११ केभी सबस्टेसनको पूर्वप्रधानमन्त्री पुष्पकमल दाहाल ‘प्रचण्ड’ ले बुधबार उद्घाटन गरेका हुन् ।

चितवनका राप्ती, खैरहनी र कालीका नगरपालिकाको विद्युत् आपूर्तिलाई गुणस्तरीय र विश्वसनीय बनाउन करिब ६३ करोड ३० लाख रुपैयाँको लगानीमा सबस्टेसन निर्माण गरिएको हो ।

कार्यक्रममा पूर्वप्रधानमन्त्री प्रचण्डले विगतमा आफू प्रधानमन्त्री हुँदा ऊर्जा क्षेत्रमा सशक्त टिम बनाएर मुलुकबाट लोडसेडिङ अन्त्य गरेको भन्दै अहिले विद्युत निर्यात गर्ने अवस्थामा पुगिएको बताएका छन् ।

उनले मलुकका मुख्य सहर तथा औद्योगिक क्षेत्रहरूमा ५० वर्षसम्मको विद्युत मागलाई धान्ने गरी विद्युतीय संरचनाको पूर्वाधार निर्माण गर्न आग्रह गरे ।

त्यसक्रममा ऊर्जा, जलस्रोत तथा सिँचाइमन्त्री पम्फा भुसालले खेतीयोग्य जमिनमा सिँचाइ सुविधा उपलब्ध गराउन विद्युतको महसुल सस्तो बनाइएको बताइन् ।

कार्यक्रममा प्राधिकरणका कार्यकारी निर्देशक कुलमान घिसिङले सबस्टेसन संचालनमा आएपछि यस क्षेत्रको प्राविधिक चुहावट घटेको, ग्राहकले गुणस्तरीय, भरपर्दो तथा पर्याप्त विद्युत पाएको र प्रशारण क्षमताले नधानेर गर्मीमा बाध्यकारी लोडसेडिङ गर्नुपर्ने अवस्थाको पनि अन्त्य भएको बताए ।

मकवानपुरको हेटौडाबाट चितवनको भरतपुरतर्फ गएको १३२ केभी प्रसारण लाइनबाट प्रवाह भएको विद्युतलाई पूर्वी चितवन सबस्टेसन भित्र छिराएर बाहिर निकालिएको छ ।

हेटौडा–भरतपुर प्रसारण लाइनबाट प्रवाह भएको विद्युत्लाई पूर्वी चितवन सबस्टेसनमार्फत त्यस क्षेत्रमा आपूर्ति गरिएको छ ।

पूर्वी चितवन सबस्टेसन निर्माण २०७५को जेठबाट सुरु भएको थियो ।

प्रतिक्रिया सबै