download zoom latest version 2021 update zoom app download zoom zoom music download zoom cloud meeting download for windows 10 64 bit download zoom meeting for microsoft edge what zoom should i download app zoom.us.app zoom download on desktop
२१ मंसिर २०७९, बुधबार Wednesday 7 December, 2022

मेडिकल सामग्री खरिद ठेक्कामा सेटिङ

 बुधबार, चैत्र ३० २०७८  

काठमाडौं । नेपालका अधिकांश सरकारी अस्पतालमा अर्बौंको मेडिकल तथा सर्जिकल सामग्री सप्लाई गर्दै आएका ठेकेदार विशाल पण्डितमाथि छानबीन गर्न प्रधानमन्त्री कार्यालयले निर्देशन दिएको छ । पण्डितले सरकारी तथा निजी अस्पताल तथा प्रतिष्ठानका कर्मचारी, अस्पतालका खरिद ईकाई, मेडिकल उपकरणको स्पेक बनाउने चिकित्सकसँग मिलेमतो गरि सिटिस्क्यान, क्याथ ल्याब, एमआरआई मेसिन, इसिजी, इको र एक्सरे जस्तो मेसिन खरिदमा ठूलो सेटिङ गर्ने गरेको भन्दै विभिन्न निकायमा उजुरी परेको थियो ।

उनले कर्मचारीलाई हातमा लिएर आफैले स्पेसिफिकेशन बनाउने र टेण्डर समेत आफू अनुकुल हुने गरि मात्रै पार्ने गरेको आरोप छ ।
धादिङको साविक केवलपुर १ घर भएका पण्डितले सेटिङ ठेक्काबाटै ५० औँ अर्बको सम्पत्ति जोडेका छन् ।

कुनै समय त्रिपुरेश्वरस्थित एक सर्जिकल पसलमा काम गर्ने पण्डितले २०६८ साल पौष २८ गते आफ्नै स्वामित्वको हस्पिटेक ईन्टरप्राइजेज प्रा.ली नामक कम्पनि स्थापना गरेका थिए ।

२०७६ मा पण्डितले उक्त कम्पनिको अधिकृत पुँजीबृद्धि गरेर एक करोड रुपैयाँ बनाएको देखिन्छ । उनले मेडिकल सामग्री खरिदमा एकलौटी गर्न आफ्नै दाजु पुष्कर पण्डितको नाममा लाईफलाईन ट्रेड ईन्टरनेश्नल नामक कम्पनि समेत खडा गरेको आरोप छ ।

पण्डितले ठेक्कामा सेटिङ गरि अर्बौं कमाए पनि राज्यलाई भने कर छली गरेको आरोप छ । उनी विरुद्ध स्वास्थ्य मन्त्रालय, अर्थ मन्त्रालय, प्रधानमन्त्री कार्यालय, अख्तियार दुरुपयोग अनुसन्धान आयोग, सम्पत्ति सुद्धिरकण अनुसन्धान विभाग लगायत विभिन्न निकायमा उजुरी परेको थियो । प्रधानमन्त्री कार्यालयले चैत्त २४ गते स्वास्थ्य तथा जनसंख्या मन्त्रालयलाई पत्राचार गरेको छ । ‘मेडिकल माफिया विशाल पण्डितलाई कारबाही गरिपाउँ भन्दै परेको निवेदनमा छानबीन गर्न’ प्रधानमन्त्री कार्यालयले स्वास्स्थय मन्त्रालयलाई निर्देशन दिएको छ ।

मेडिकल सामग्री खरिद ठेक्का सेटिङबाट कमाएको अर्बौं रुपैयाँले पण्डितले सिंहदरबारस्थित राष्ट्रिय अनुसन्धान विभाग अगाडी मापदण्ड विपरित होटल बनाएका छन् । बसेरा बुटिक होटलको नामले चिनिने यो होटलमा शंकाष्पद गतिविधि हुने गरेको स्रोतले जनाएको छ ।

प्रतिक्रिया सबै