zoom meeting joining instructions zoom login download pc ibm zoom download zoom app data usage per hour zoom pc app dark mode download zoom for pc for free
२० मंसिर २०७९, मंगलवार Tuesday 6 December, 2022

पाटनमा एकीकृत समाजवादी बैतडीले छान्यो उम्मेद्‍वार

 शुक्रबार, बैशाख ९ २०७९  

डोटी । सत्ता गठबन्धन दलहरुबीच चुनावी तालमेलका लागि सहमति नभएपछि नेकपा एकिकृत समाजवादीले बैतडीको पाटन नगरपालिकामा उम्मेद्‍वार चयन गरेको छ ।

दलहरुबीच तालमेलका लागि कुरा नमिलेका कारण आफूहरुले एकल टिम घोषणा गरेको एकीकृत समाजवादीका सुदूरपश्चिम प्रदेश कमिटी सदस्य चमन भण्डारीले बताए । उनी भन्छन् ‘यदि तालमेल हुन्छ भने हामी सहमति अनुसार को को ‘व्याक’ हुन तयार छौं, तर त्यो सम्भावना न्यून छ ।’

भण्डारी आफैं नगर प्रमुख र द्रोपति जोशी अवस्थी उपप्रमुखको उम्मेदवार चयन भएका छन् । नगरका १० वटै वडाको टिमसमेत तयार गरेको नगर प्रमुखका उम्मेदवार भण्डारीले जानकारी दिए । उनका अनुसार वडा नं. १ मा चन्द्रदेव भट्टराई, २ मा रमेश पन्त, ३ मा हरिसिंह बिष्ट र ४ मा ध्वजसिंह बिष्टलाई वडाध्यक्षको उम्मेदवार तय गरेको छ ।

भण्डारीले दिएको जानकारी अनुसार वडा नं. ५ मा प्रदिप बोहरा, ६ मा राम भुल, ७ मा धर्मा बम चन्द, ८ मा जय सिंह महरा, ९ मा शिवराज भट्ट र १० मा गोपाल धामीलाई अध्यक्षका उम्मेदवार बनाइएको छ ।

‘१० वटै वडामा वडा सदस्यका उम्मेद्‍वारको समेत टुङ्गो लगाइसकेका छौं’, भण्डारीले भने, ‘वडाध्यक्षमा महिला र दलितलाई समेत अवसर दिइएको छ ।’

सहमतिको वातावरण बन्यो भने आफूले नगर प्रमुखको दावी छोड्ने उनले बताए । भने, ‘तर उपप्रमुख हामी कुनै हालतमा छोड्दैनौं ।’

उनले कांग्रेसलाई एक्लै जित्छु भन्ने दम्भ भएकोले चुनावी तालमेल हुन नसकेको वताए । उनी माओवादीको भूमिका पनि सकारात्मक नभएको वताउँछन् ।

पाटन नगरपालिकामा गत स्थानीय तहको निर्वाचनमा नेपाली कांग्रेसले विजयी प्राप्त गरेको थियो ।

सुर्नयामा माओवादी र एकीकृत समाजवादीबीच गठबन्धन हुने

बैतडीको सुर्नया गाउँपालिकामा नेकपा माओवादी केन्द्र र नेकपा एकिकृत समाजवादीबीच गठबन्धन गर्ने सहमति भएको छ ।

सहमति अनुसार अध्यक्षमा समाजवादीको तर्फबाट उम्मेदवार हुनेछन् । उपाध्यक्ष माओवादी केन्द्रबाट उम्मेदवार बनाउने सहमति भएको छ ।

वडाको भागवण्डा भन्ने टुङ्गो लागिसकेको छैन । शुक्रवारसम्म सवै वडाको समेत टुङ्गो लगाएर उम्मेदवारका नाम समेत सार्वजनिक गरिने तयारी छ ।

प्रतिक्रिया सबै