zoom software download join zoom meeting app download zoom info scraper download zoom meeting download for pc new version download emojis for zoom download zoom sessions zoom cloud app free download for pc - zoom cloud app free download for pc
२० मंसिर २०७९, मंगलवार Tuesday 6 December, 2022

चितवनमा पालिकासहित ९८ वटै वडामा सत्ता गठबन्धनको भागबन्डा

 आइतवार, बैशाख ११ २०७९  

चितवन । चितवनमा सत्ता गठवन्धनले पालिकासहित ९८ वटै वडामा भागबन्डाको सहमति गरेका छन् ।

कांग्रेस चितवनका सभापति राजेश्वर खनालले जिल्लाका ९८ वटै वडामा भागबन्डा सहमति गरिएको जानकारी दिए । ती दलहरूले अब आआफ्नो भागमा परेका वडामा उम्मेदवारको टुंगो दलीय हिसाबले लगाउने जनाएका छन् ।

नेपाली कांग्रेसले जिल्लाका ५८, नेकपा (माओवादी केन्द्र )ले २६ र नेकपा (एकीकृत समाजवादी) ले १३ वटा वडाध्यक्ष पाउने सहमति गरिएको छ । तर, राष्ट्रिय जनमोर्चा र जनता समाजावादी दललाई भने गठवन्धनका ठूला दलले वडाध्यक्ष दिएका छैनन् ।

नेपाली कांग्रेसले भरतपुर महानगरपालिकामा सबैभन्दा बढी २० वटा वडाध्यक्ष भएको छ । उसले १, २, ३, ४, ५, ६, ७, ८, १०, १४, १५, १६, १७, १८, १९, २०, २१, २३, २७ र २९ नम्बर वडामा उम्मेदवारी दिने भएको छ ।

यस्तै भरतपुरमा ५ वटा वडाध्यक्ष पाएको माओवादीले ११, १३, २४, २५,२८ नम्बर वडामा अध्यक्ष पाएको छ । उसले २६ नम्बर वडामा माओवादीको दाबी छ । यहाँ अहिले पनि एमाले सर्मथमा जितेका माओवादीबाट निर्वाचित वडाध्यक्ष छन् ।

भरतपुरमा ३ वटामात्रै वडा पाएपछि समाजवादीले गरेन हस्ताक्षर

नेकपा (एकीकृत समाजवादी)ले भरतपुरमा ३ वटा वडामा वडाध्यक्ष पाएको छ । नेकपा एकीकृत समाजवादीले ९, १२ र २२ नम्बर वडामा वडाध्यक्ष पाएको छ ।

एमालेबाट समाजवादीतर्फ लागेका पाँच वडा आफूहरूले पाउनुपर्ने दाबी गरेको नेकपा एसले तीन वटा मात्रै वडाध्यक्ष पाएको हो । नेकपा एकीकृत समाजवादी भरतपुर महानगर कमिटीका अध्यक्ष विष्णुराज महतोले आफूहरूले ५ वटा वडा पाउनुपर्ने माग अहिले पनि जारी रहेकेाले सहमतिमा हस्ताक्षर नगरको बताए ।

‘यो त केन्द्रीय नीतिभन्दा बाहिर भयो, हामीले सहमति गरेका छैनौं, आफ्नो असहमति छ’ अध्यक्ष महतोले भने, ‘नेकपा एसका वडाध्यक्ष रहेको ठाँउमा सोही पार्टीलाई दिने सहमति देउवा र प्रचण्डले माधव नेपालसहितको बैठकमा गरेका हैनन् ? अहिले किन नदिएको ?’ भरतपुरमा एमालेबाट विजयी भएर नेकपा एसमा वडा नं. ७,९,१०,१२,२२ का वडाध्यक्ष गएका थिए । अध्यक्ष महतोले इच्छाकामना बाहेक अरु कुनै पनि पालिकामा सहमति नभएको बताए ।

त्यस्तै राप्ती नगरपालिकामा नेपाली कांग्रेसले ६ वटा वडाध्यक्ष पाएको छ । उसको भागमा २, ४, ९, १०, १२ र १३ नम्बर वडाको वडाध्यक्ष परेको छ । नेकपा (माओवादी केन्द्र)ले ३, ५, ७ र ८ नम्बर गरी ४ वटा वडाध्यक्ष पाएको छ । नेकपा (एकीकृत समाजवादी)ले १, ६ र ११ नम्बर वडामा वडाध्यक्षमा उम्मेदवारी दिने सहमति भएको छ । राप्तीको मेयर समाजवादीले र उपमेयर कांग्रेसले पाउने सहमति भएको छ ।

इच्छाकामना गाउँपालिकामा कांग्रेसलाई अध्यक्षसहित ४ वटा वडा र माओबादी केन्द्रलाई उपाध्यक्षसहित ३ वटा वडा दिने गरी सहमति जुटेको हो । जस अनुसार कांग्रेसले वडा नं. ४, ५, ६ र ७ नम्बर वडाको अध्यक्षका लागि उम्मेदवारी दिनेछ । त्यस्तै माओवादी केन्द्रले उपाध्यक्षसहित १, २ र ३ नम्बर वडाको अध्यक्षमा उम्मेदवारी दिने सहमति जुटेको हो ।यहाँ समाजवादीलाई कुनै पनि वडाध्यक्ष दिइएको छैन ।

१६ वटा वडा रहेको रत्ननगर नगरपालिकामा नेपाली कांग्रेसले ९, नेकपा (माओवादी केन्द्र)ले ४ र एकीकृत समाजवादीले तीन वटा वडाध्यक्ष पाउने सहमति गरेका छन् । जस अनुसार कांग्रेसले वडा नं. २,३,४,६,१०,११,१२ र १६ मा वडाध्यक्ष पाउनेछ ।

माओवादी केन्द्रले वडा नं. १, ५, १३ र १५ पाउने छ भने समाजवादीले वडा नं. ८ र ९ मा वडाध्यक्ष पाउनेछ । रत्ननगरको मेयर कांग्रेसले र उपमेयर समाजवादीले पाउने सहमति सत्ता गठबन्धन दलबीच भएको छ ।

१३ वटा वडा रहेको खैरहनी नगरपालिकामा नेपाली कांग्रेसले ८, माओवादीले ३ र एकीकृत समाजवादीले २ वटा वडामा वडाध्यक्षमा उम्मेदवारी दिने सत्ता गठबन्धनका दलबीच सहमति भएको छ ।

खैरहनीको वडा नं. २, ३, ४, ५, ७, १०, १२ र १३ मा कांग्रेसले वडाध्यक्ष पाउनेछ । माओवादी केन्द्रले वडा नं. १, ८ र ११ मा वडाध्यक्ष पाउनेछ । यस्तै समाजवादीले वडा नं. ६ र ९ मा वडाध्यक्षसहितका सदस्य पाउनेछ । खैरहनीमा मेयर कांग्रेसले र उपमेयर माओवादीले पाउने सहमति छ ।

चितवनको माडी नगरपालिकामा सबैभन्दा धेरै वडाध्यक्ष माओवादीले पाएको छ । ९ वटा रहेको माडीमा कांग्रेसले ३, माओवादीले ५ र समाजवादीले १ वडा पाएको छ । कांग्रेसले वडा नं.१,६ र ८ मा वडाध्यक्षमा उम्मेदवारी दिनेछ । माओवादीले वडा नं. २, ४, ५, ७ र ९ भागबन्डामा पाएको छ । यस्तै, समाजवादीले वडा नं. ३ पाएको छ । माडीमा मेयर माओवादी केन्द्रले र उपमेयर कांग्रेसले पाउने सहमति भएको छ र।

११ वडा रहेको कालिका नगरपालिकामा ८, माओवादीले २ र समाजवादीले १ वडा पाउने सहमति गरेका छन् ।

कांग्रेसले वडा नं. १, २, ४, ५, ६, ९, १० र ११ वडाध्यक्ष उम्मेदवार पाउने भएको छ । माओवादी केन्द्रले वडा नं. ३ र ८ मा र समाजवादीले वडा नं. ७ मा वडाध्यक्ष पाउने भागबन्डा गरिएको छ । कालिका कांग्रेसले मेयर र माओवादीले उपमेयर पाउने सहमती भएको छ ।

कांग्रेसले भरतपुर, माडी र राप्ती नगरपालिकामा उपप्रमुखमा उम्मेदवारी दिने भएको छ । रत्ननगर नगरपालिका, खैरहनी नगरपालिका र कालिका नगरपालिका तथा इच्छाकामना गाउँपालिकाको प्रमुख नेपाली कांग्रेसले पाउने सहमति भएको थियो ।

प्रतिक्रिया सबै