zoom meeting download for free on hp laptop zoom app for teaching install zoom app on windows 10 download zoom recorded meetings download zoom recording to computer zoom audio not working on laptop - zoom audio not working on laptop zoom login app state - zoom login app state zoom meeting zoom meeting - zoom meeting zoom meeting
१० मंसिर २०७९, शनिबार Saturday 26 November, 2022

चितवनमा ठूला दलका उम्मेदवारको मनोनयन दर्ता आज

 सोमवार, बैशाख १२ २०७९  

चितवन – ३० वैशाखमा हुन लागेको स्थानीय तहको निर्वाचनका लागि मनोनयन दर्ता गर्ने आज अन्तिम दिन हो । एकै दिनमा मनोनयन दर्ता गर्दा निर्वाचन अधिकृतको कार्यालयमा धेरै चाप पर्ने भएकाले निर्वाचन आयोगले मनोनयन दर्ता गर्ने समय दुई दिन दिएको थियो । तर, ठूला दलका उम्मेदवारले भने आज अन्तिम दिन मनोनयन दर्ता गर्ने भएका छन् ।

आज नेकपा (एमाले)का उम्मेदवारले मनोनयन दर्ता गर्दैछन् । दिउँसो १ बजेअघि नै सक्ने गरी मनोनयन दर्ताको तयारी गर्न एमालेलाई आग्रह गरिएको मुख्य निर्वाचन अधिकृतको कार्यालय भरतपुरका सूचना अधिकारी पुरुषोत्तम पौडेलले जानकारी दिए । दिउँसो १ बजेदेखि गठबन्धन दलका उम्मेदवारले संयुक्त रूपमा मनोनयन गर्ने भएकाले त्यसअघि नै सक्न एमालेलाई भनिएको हो ।

भरतपुर महानगरमा एमाले र राप्रपाले तालमेल गर्ने सहमति भएको छ । मेयरमा एमालेबाट विजय सुवेदीले उम्मेदवारी दिने र उपमेयरमा राप्रपाबाट उम्मेदवारी दिने सहमति भएको हो । राप्रपाले भने अझैसम्म पनि उपमेयरको उम्मेदवारको टुंगो लगाइसकेको छैन ।

एमालेले माडीको उपप्रमुख छाडेर सबै पालिकामा प्रमुख र उपप्रमुखको उम्मेदवार टुङ्ग्याइसकेको छ । माडीमा एमालेसँग तालमेल गर्ने भनिए पनि अझै सहमति नभएको राप्रपा नेत्री रिना गुरुङले बताइन् । माडीमा प्रमुख र उपप्रमुखसहित सबै पदमा राप्रपाले उम्मेदवार उठाउने तयारी गरेको उनले बताइन् ।

गठबन्धन दलका उम्मेदवारले मनोनयन दर्ता गर्न चौविसकोठीदेखि बाजागाजासहित निर्वाचन अधिकृतको कार्यालय पुग्ने कार्यक्रम बनाएका छन् । गठबन्धनबाट महानगरको मेयरमा माओवादी केन्द्रकी रेनु दाहाल र उपमेयरमा कांग्रेसले मनोनयन दर्ता गर्ने छ । कांग्रेसले पनि उपमेयरका उम्मेदवारको टुंगो अझै लगाएको छैन । कांग्रेसको असन्तुष्ट पक्षबाट पूर्वसांसद जगन्नाथ पौडेलले मेयरमा मनोनयन दर्ता गर्दै छन् ।

गठबन्धनले अन्य पालिकामा भागबन्डा मिलाए पनि उम्मेदवारको टुंगो लगाउन सकेको छैन । सम्भवतः दिउँसो ११ बजेसम्म सबै टुंगो लाग्ने माओवादी केन्द्र चितवनका समन्वय संयोजक आरसी अधिकारीले बताए ।

हिजो भरतपुर महानगरमा साना दल र स्वतन्त्रतर्फका ११ जनाले मेयरमा, तीन जनाले उपमेयरमा र १५ जनाले वडाध्यक्षमा मनोनयन दर्ता गरे ।

-न्युज कारखानाबाट

प्रतिक्रिया सबै