download zoom full installer msi zoom meeting login join meeting online free download - zoom meeting login join meeting online free download zoom for laptop download zoom download nederlands idm download vn zoom zoom cloud meeting app download for pc free - zoom cloud meeting app download for pc free
१७ मंसिर २०७९, शनिबार Saturday 3 December, 2022

नवजात शिशु बोकेर भोट माग्दै दुई हप्ताकी सुत्केरी

 शनिबार, बैशाख १७ २०७९  

काठमाडौं । बैतडीको सिगास गाउँपालिकामा नेपाली कांग्रेसबाट उपाध्यक्षकी उम्मेदवार बनेकी सुमित्रा ऐर दुई हप्ताको शिशु काखी च्यापेर चुनावी प्रचारप्रसारमा लागेकी छन् । १२ वैशाखमा मनोनयन दर्ता गर्न जाँदा उनी १२ दिनकी सुत्केरी थिइन् ।

मनोनयन दर्ता गरेसँगै उनी वडा तथा टोलटोलमा भएका प्रचारका कार्यक्रममा गइरहेकी छन् । ‘छोरो जन्मेको दुई हप्ता भयो, अहिले घरदैलो अभियानमा छौं’, उनले भनेकी छन्, ‘शिशुलाई पनि सँगै लगेर चुनाव प्रचारप्रसारमा छु । टिकट पाएपछि दौडधुप त गर्नै पर्‍यो नि ।’

आफ्नो बच्चाको स्वास्थ्य ख्याल राखिरहेको उनले बताइन् । ‘स्वास्थ्यकर्मीले खानपान र स्वास्थ्यमा ध्यान दिनुपर्छ भनेका छन्, खानपानमा त ध्यान दिएकै छु । चुनावी दौडधुप छ, परिवारको राम्रो साथ छ’, उनले भनिन् । ऐरलाई सहयोग गर्न उनका श्रीमान पनि आफुसँगै चुनावी प्रचारप्रसारमा जाने गरेका छन् ।

२०७४ सालको चुनावमा पनि उनले उपाध्यक्ष दाबी गरेकी थिइन् । तर कांग्रेसले उनलाई टिकट दिएन । ५ वर्षपछि पार्टीले टिकट दिएकाले उनी खुसी छिन् । २०७४ सालको चुनावमा सिगास अध्यक्ष र उपाध्यक्ष दुवै कांग्रेस लै जितेको थियो । त्यतिबेला चुनाव जितेका हरिसिंह धामीलाई नै कांग्रेसले दोहोर्‍याएको छ ।

सत्ता गठबन्धनले चुनावी तालमेल गर्ने भने पनि यहाँ तालमेल हुन सकेन । त्यसैले नेपाली कांग्रेस, नेकपा एमाले, माओवादी केन्द्र, नेकपा एकीकृत समाजवादी र राष्ट्रिय प्रजातन्त्र पार्टीले आफ्ना उम्मेदवार उठाएका छन् ।

सिगास गाउँपालिका दुर्गमा पालिका हो । गाउँपालिकाको केन्द्रसम्म सडक पुगेको छ तर वडा तथा गाउँहरु सडक सञ्जालसँग जोडिएको छैन । उपाध्यक्षकी उम्मेदवार ऐरी पैदल नै हिंडेर सकेसम्म सबै गाउँ टोलमा पुग्ने लक्ष्यमा छिन् ।

प्रतिक्रिया सबै