zoom chime sound effect download download zoom free version zoom download pc for windows 10 zoom cloud meetings app for windows zoom app download kara
२० मंसिर २०७९, मंगलवार Tuesday 6 December, 2022

केशव स्थतापितको टिप्पणीबारे बालेन शाह भन्छन् : उहाँ मेरो ब्राण्ड एम्बेसेडर बन्नुभएको छ !

 मङ्लबार, बैशाख २० २०७९  

काठमाडौं । काठमाडौं महानगरपालिकाको मेयरका स्वतन्त्र उम्मेदवार बालेन शाहले मेयर पदका अर्का उम्मेदवार केशव स्थापितले आफूविरुद्ध गरेको टिप्पणीले आफुलाई फाइदा भएको बताएका छन् ।

स्थापितले आफुमाथि गरिरहेको टिप्पणीको कुनै प्रतिक्रिया जनाइरहन आवश्यक नभएको उनले बरु स्थापितले गरिरहेको टिप्पणीले आफूलाई फाइदा पुगेको बताएका हुन् । ‘नरदेवीमा घरदैलो अभियानमा जाँदा केशव स्थापितले सधैँ गाली गर्ने मान्छे यही हो भनेर मलाई बुढापाकाहरुले हेर्नुभयो’ शाहले भनेका छन्े, ‘खासमा बुढापाकालाई पेनिट्रेट गर्न उहाँ मेरो ब्राण्ड एम्बेसेडर बन्नुभएको छ ।’

मंगलबार काठमाडौंमा आयोजित एक कार्यक्रममा स्थापितले शाहलाई ‘केशव स्थापितलाई जिताउँ, लौरोमा भोट हालौं’ भनेर प्रचार गरेको आरोप लगाएका थिए । शाहले भने स्थापितको आरोप अस्वीकार गर्दै त्यसरी प्रचार गर्न जरुरी नभएको बताए । उनले भने, ‘त्यसरी प्रचार गर्न हामीलाई जरुरत नै छैन, कुनै मिम बनेका हुनसक्छन् । त्यसबारे जानकारी छैन ।’

स्थापितले शाहसँग दुई घन्टा चिया भेट भएको र खिचापोखरीबारे सोधेको सुनाएका थिए । तर बालेन शाहले भने हालसालै स्थापितसँग कुनै कुराकानी नभएको बताए । ‘चार महिनाअघि उम्मेदवारी दिने प्रारम्भिक छलफलकै सिलसिलामा उहाँसँग भेट भएको हो,’ उनले भने, ‘तर त्यस्तो विषयमा कुनै कुराकानी भएको थिएन ।’ त्यतिबेला अन्य पार्टीका नेताहरुसँग पनि त्यसै गरी भेट गरेर छलफल गरेको शाहको भनाई छ ।

प्रतिक्रिया सबै