install zoom client on pc zoom is a free hd meeting app download join zoom meeting with id & passwords list - join zoom meeting with id & passwords list zoom download for pc laptop - zoom download for pc laptop zoom.com app
१२ मंसिर २०७९, सोमबार Monday 28 November, 2022

स्थानीय तह निर्वाचन : मतदाता र मतदान स्थल कुन स्थानीय तहमा कति छन् ? (सूचीसहित)

 शुक्रबार, बैशाख २३ २०७९  

काठमाडौं । आगामी वैशाख ३० गते हुने स्थानीय तह निर्वाचनका लागि निर्वाचन आयोगले देशभरका स्थानीय तहमा कायम हुने मतदान स्थल र केन्द्र निर्धारण गरेको छ । आयोगतले सातै प्रदेशमा दश हजार ७ सय ५६ मतदानस्थल र २१ हजार ९ सय ५५ वटा मतदान केन्द्र निर्धारण भएको जनाएको छ ।

जसअनुसार प्रदेश १ मा १८ सय ७७ मतदान स्थल हुँदा ४ हजार ५१ मतदान केन्द्र निर्धारण गरेको छ । प्रदेश १ मा ३३ लाख ४७ हजार ३८४ मतदाता रहेका छन् । ३३ लाख ३१ हजार १७० मतदाता रहेको मधेस प्रदेशमा २१ सय ६३ मतदानस्थल र ४ हजार १ ८९ मतदान केन्द्र रहेका छन् ।

देशकै राजधानी रहेको र सवैभन्दा बढी मतदाता रहेको वागमती प्रदेशमा ३४ लाख १२ हजार ८६९ मतदाता रहेका छन् । यो प्रदेशमा १७ सय ९२ वटा मतदानस्थल कायम रहेका छन् भने ४ हजार ९५ मतदान केन्द्र कायम भएको छ ।

१७ लाख ७९ हजार ४११ जना मतदाता रहेको गण्डकी प्रदेशमा १२ सय ५३ मतदान स्थल र २३ सय मतदान केन्द्रमार्फत मतदान हुने भएको छ । ३२ लाख १९ हजार ४७५ जना मतदाता रहेको लुम्बिनी प्रदेशमा १६ सय २९ मतदानस्थल र ३८ सय ३२ मतदान केन्द्र निर्धारण गरेको आयोगले जनाएको छ ।

कर्णालीमा १० लाख १ हजार २८२ मतदाता रहेका छन् । त्यस्तै ९ सय सात मतदानस्थल र १३ सय ८५ मतदान केन्द्र रहेका छन् । १६ लाख ३२ हजार १५० मतदाता रहेको सुदुरपश्चिम प्रदेशमा ११ सय ३५ मतदानस्थल र २१ सय ३ मतदान केन्द्र निर्धारण गरेको निर्वाचन आयोगले जनाएको छ । देशभर ८९ लाख ९२ हजार १० जना पुरुष मतदाता, १८३ अन्य र ८७ लाख ४१ हजार ५ सय ३० महिला गरी १ करोड ७७ लाख ३३ हजार ७२३ मतदाता रहेका छन् ।

७५३ स्थानीय तहमा कायम मतदाता, मतदानस्थल र मतदान केन्द्र आयोगले तोकेको हो । देशभर ६ महानगरपालिका, ११ उपमहानगरपालिका, २७७ नगरपालिका र ४६० वटा गाउँपालिका रहेका छन् । यस्तै देशभर ६ हजार ७४३ वटा वडा रहेका छन् ।

हेर्नुहोस् पूर्णपाठ

प्रतिक्रिया सबै