how do you get the zoom app zoom app wont download zoom cloud meeting app free download for pc - zoom cloud meeting app free download for pc zoom download center for windows 11 zoom app for windows 11 zoominfo stock ipo date zoom client download zoom scheduler download
१२ मंसिर २०७९, सोमबार Monday 28 November, 2022

कर्णालीका स्थानीय तहमा महिलाको सहभागितामा न्यून

 शनिबार, जेष्ठ ७ २०७९  

काठमाडौँ । भर्खरै सम्पन्न स्थानीय तहको चुनावमा कर्णाली प्रदेशका १० जिल्लाका स्थानीय तहका प्रमुख पदमा महिलाको सहभागिता कमजोर देखिएको छ । ५५ पदमा महिलाको सहभागिता रहेको छ भने १०१ पदमा पुरुषहरूको सहभागिता रहेको छ । दैलेखको भैरवी गाउँपालिकाका अध्यक्षमा रिताकुमारी शाही निर्वाचित भएकी छन् भने उपाध्यक्षमा समेत देवी भण्डारी निर्वाचित भएकी छन् । त्यस्तै सुर्खेतको वीरेन्द्रनगर नगरपालिकाको मेयरमा मोहनमाया भण्डारी विजय भएकी छन् । जुम्लाका पालिकामा भने दुवै पदमा महिला र पुरुषको समान सहभागिता रहेको छ ।

सल्यानका १० पालिकामा ५ जना महिला उपाध्यक्ष निर्वाचित भएका छन् । अन्य सबै मुख्य पदमा पुरुष नै निर्वाचित भएका छन् । हिमाली जिल्ला डोल्पाका आठ पालिकामा उपाध्यक्ष ५ जना महिला निर्वाचित भएका छन् भने ११ पदमा पुरुष नै निर्वाचित भए । मुगुका चार स्थानीय तह मध्ये तीन पालिकामा महिला उपाध्यक्ष रहेका छन् । अध्यक्ष सहित एक उपाध्यक्ष गरी पाँज जना पुरुष रहेका छन् ।

जुम्लाका ८ पालिका मध्य अध्यक्षमा ८ र उपाध्यक्षमा ८ महिला निर्वाचित भएका छन् । यहाँ सबै भन्दा समावेशी रहेको पाइएकोले छ । ९ स्थानीय तह रहेको कालिकोटमा पुरुषको रजाइँ देखिएको छ । १४ जना अध्यक्ष र उपाध्यक्ष पुरुष निर्वाचित हुँदा ४ जना महिला मात्रै निर्वाचित छन् । मुख्यमन्त्री जीवनबहादुर शाहीको जिल्लामा ७ स्थानीय तह रहेका छन् ।

सात स्थानीय तह मध्य २ स्थानीय तहमा मात्र महिला उपाध्यक्षको सहभागिता रहेको छ भने बाँकी १२ अध्यक्ष र उपाध्यक्ष पदमा पुरुष नै निर्वाचित भएका छन् । जाजरकोटका ७ पालिकामा चार जना महिला उपाध्यक्ष निर्वाचित हुँदा १० जना अध्यक्ष र उपाध्यक्ष पुरुष नै निर्वाचित भएका छन् । दैलेखका ११ स्थानीय तह मध्य भैरवी गाउँपालिकामा अध्यक्ष र उपाध्यक्ष दुवै पदमा महिला निर्वाचित भएका छन् । ११ पुरुष अध्यक्ष र उपाध्यक्षमा निर्वाचित भएको तथ्याङ्कमा उल्लेख छ । एक अध्यक्षसहित ११ पदमा महिला निर्वाचित भएको पाइएको छ ।

कर्णालीको राजधानी सुर्खेतको वीरेन्द्रनगर नगरपालिकाको मेयरमा महिला मोहनमाया ढकाल निर्वाचित भएकी छन् । सुर्खेतमा १० अध्यक्ष र उपाध्यक्ष पदमा पुरुष र एक मेयर सहित ८ जना मेयर र उपाध्यक्षमा उपमेयरमा महिला निर्वाचित भएका छन् । अर्थमन्त्री जर्नादन शर्माको जिल्ला रुकुम पश्चिममा अध्यक्ष तथा मेयर पदमा महिलाको सहभागिता छैन भने उपाध्यक्ष पदमा ५ जना महिलाले जितेका छन् । त्यस्तै अध्यक्ष वा मेयर पदमा ७ पदमा पुरुष विजयी भएका छन् । यहाँ ६ पालिका रहेका छन् ।

एक मेयर र एक अध्यक्ष र बाँकी ५३ पदमा उपाध्यक्ष सहित ५५ पदमा महिलाको कर्णाली प्रदेशका १० जिल्लामा सहभागिता रहेको छ । त्यस्तै १० जिल्लाको १०१ पदमा पुरुषको मुख्य पदमा सहभागिता रहेको छ । यो हिसाबले हेर्दा समावेशीको हिसाबले महिलाको सहभागिता कमजोर रहेको पाइएको छ ।

प्रतिक्रिया सबै