zoom full installer msi - zoom full installer msi zoom offline download for pc zoom app offline installer for pc zoom meeting login australia zoom download link for windows
१७ मंसिर २०७९, शनिबार Saturday 3 December, 2022

पाँचखाल मेयरमा कांग्रेस र उपमेयरमा एमाले विजयी

 सोमवार, जेष्ठ ९ २०७९  

काठमाडौँ । काभ्रेपलाञ्चोकको पाँचखाल नगरपालिकाको मेयरमा नेपाली कांग्रेसका महेश खरेल र उपमेयरमा नेकपा (एमाले)का सूर्यमाया दनुवार विजयी भएका छन् ।

आज बिहान सम्पन्न भएको मतगणना परिणामअनुसार कांग्रेसका मेयर पदका उम्मेदवार खरेलले १२ हजार ८३६ मत प्राप्त गर्दा एमालेका दनुवारले ९ हजार ५३४ मत प्राप्त गरी उपमेयरमा निर्वाचित भए ।

मेयर खरेलका निकटतम प्रतिस्पर्धी एमालेका कञ्चन अधिकारीले आठ हजार ११५ मत प्राप्त गरे भने उपमेयरका निकटतम प्रतिस्पर्धी नेकपा (माओवादी केन्द्र)का चेतप्रसाद गौतम(मणि)ले नौ हजार १० मत पाए ।

सो नगरपालिकाको वडा नं १३ कोशिदेखास्थित श्रीराम मावि मतदान केन्द्रमा गत वैशाख ३० गते शुक्रबार भएको मतदानमा मतपत्र वितरणको क्रममा विवाद उत्पन्न भएपछि स्थगित भएकोमा यही जेठ ३ गते पुनः मतदान भएको थियो । यसका कारण ढिला गरी मतगणना भएको थियो ।

पाँचखालको मतगणना सम्पन्न भएसँगै जिल्लाका १३ वटै स्थानीय तहको मतगणना सम्पन्न भएको छ । अधिकांश पालिकाका नवनिर्वाचित जनप्रतिनिधिले आ–आफ्नो पदको पद तथा गोपनियताको शपथ ग्रहण गरी कार्यभारसमेत सम्हालिसकेका छन् ।

यस्तो छ वडाको नतिजा मतसहित
वडा नं १ मा – जयबहादुर तामाङ – ५९४ (माओवादी केन्द्र)
वडा नं २ मा – रामेश्वर दाहाल – ९३४ (नेपाली कांग्रेस)
वडा नं ३ मा – सुन्दर अधिकारी – ८०५ (नेपाली कांग्रेस)
वडा नं ४ मा – सुन्दर तामाङ – ९१० (नेपाली कांग्रेस)
वडा नं ५ मा – सीताराम ढुङ्गाना – ६१४ (नेकपा एमाले)
वडा नं ६ मा – रामशरण दुलाल – १,३८२ (एकीकृत समाजवादी)
वडा नं ७ मा – रामकृष्ण दङ्गाल – ६९६ (नेपाली कांग्रेस)
वडा नं ८ मा – सञ्जय तामाङ – १,१५८ (नेपाली कांग्रेस)
वडा नं ९ मा – रामकाजी श्रेष्ठ – १,०११ (नेकपा एमाले)
वडा नं १० मा – नारायण प्रसाद सापकोटा – ६५५ (नेकपा एमाले)
वडा नं ११ मा – हीराकाजी तामाङ – ९१६ (नेपाली कांग्रेस)
वडा नं १२ मा – ज्ञानबहादुर दनुवार – १,१७७ (नेपाली कांग्रेस)
वडा नं १३ मा – सुकुवीर तामाङ – ७०४ (नेपाली कांग्रेस)

प्रतिक्रिया सबै