zoom room setup download join zoom meeting with id & passwords list zoom 5.5.0 download app zoom free download zoom download center for windows
१२ मंसिर २०७९, सोमबार Monday 28 November, 2022

मोटोपना बढ्दै जाँदा बच्चाहरुको स्मरणशक्ति कमजोर हुँदै जाने

 शनिबार, जेष्ठ १४ २०७९  

एजेन्सी । मोटोपनाको समस्याले बच्चाहरूको स्मृति कमजोर पार्ने अध्ययनले देखाएको छ । भर्मन्ट विश्वविद्यालय र एल विश्वविद्यालयको अध्ययनका अनुसार सामान्य तौल भएका बच्चाको तुलनामा मोटा बच्चाहरूमा स्मृति कमजोर हुनुका साथै मोटो बच्चाहरूलाई सोच्ने र योजना बनाउन पनि गाह्रो हुने गर्छ ।

जामा पेडियाट्रिक्स जर्नलमा प्रकाशित अध्ययनका लागि १० वर्षसम्म १० हजार किशोर किशोरीहरूको डाटा लिएर विश्लेषण गरिएको थियो । अनुसन्धानको क्रममा प्रत्येक दुई वर्षमा सबै सहभागीहरूको रगतको नमूना जाँच, दिमागको स्क्यानलगायत जाँच गरिएको थियो ।

उच्च बडी मास इन्डेक्स (बीएमआई) भएका बच्चाहरूसँग स्मृति कमजोर हुने अध्ययनको नतिजाले देखाएको छ । भर्मन्ट विश्वविद्यालयकी जेनिफर लरेन्टका अनुसार उच्च बिएमआई भएका बच्चाहरूमा मस्तिष्कको बाहिरी भाग ढाक्ने तह (सेरेब्रल कर्टेक्स) पातलो हुन्छ ।

सेरेब्रल कर्टेक्स पातलो भएका कारण, सोच्ने, सम्झनेलगायतका दिमागको क्षमताहरू नराम्ररी प्रभावित हुन्छन् । जसकारण उनीहरूको स्मरण शक्ति कमजोर हुन्छ । बच्चाहरूलाई व्यायाम गर्ने चाहना जगाउनु पर्ने जेनिफर बताउँछिन् ।मोटोपनाले अन्य रोग निम्त्याउने मात्र नभइ सोच्ने क्षमतालाई पनि असर पार्ने हुँदा व्यायामका साथै बच्चाहरूको खानामा पनि परिवर्तन गर्नुपर्ने अध्ययनको निष्कर्ष रहेको छ ।

प्रतिक्रिया सबै