zoom chip download download zoom on microsoft edge zoom join meeting with id and password - zoom join meeting with id and password zoom download free laptop windows 10 - zoom download free laptop windows 10 download zoom recording that is shared zoom app encryption
२२ मंसिर २०७९, बिहीबार Thursday 8 December, 2022

नेपाल लोकस्टार सिजन-२ को अडिसन सुरु

 आइतवार, जेष्ठ १५ २०७९  

काठमाडौं । लोक गायन रियालिटी शो नेपाल लोकस्टार सिजन-२ को डिजिटल अडिसन सुरु भएको छ । लोकस्टारको दोस्रो सिजनमा प्रतिस्पर्धा गर्न चाहने प्रतिभाहरुले आफ्नो घरमै बसेर अडिसनमा सहभागी हुन सक्नेछन् ।

दूरदराजका प्रतिभालाई पहुँच दिने उद्देश्यले लोकस्टारमा यसपटक डिजिटल अडिसन सुरुवात गरिएको हो ।

आफ्नो मोबाइलमा गीतको भिडियो रेकर्ड गरेर हिमालय टीभीको एपमा अपलोड गरी अडिसनमा सहभागी हुन सकिने छ । एप चलाउन नसक्ने प्रतिभाहरुले आफ्नो भिडियो सिधै लोकस्टारको मोबाइल नम्बर ९८०१२३७८८० मा भाइबर वा ह्वाट्सएपमार्फत पठाउन पनि सकिने जनाइएको छ ।

आफूलाई मन परेको कुनै पनि गीतको एक मिनेटसम्मको भिडियो रेकर्ड गरी अडिसनमा सहभागी हुन सकिनेछ । प्राप्त अडिसनमध्येबाट छानिएका एक सय जनालाई मेगा अडिसनमा सहभागी बनाइने छ । लोकस्टारमा ८ वर्षदेखि ७० वर्षसम्मका प्रतिभाहरुले प्रतिस्पर्धा गर्न पाउनेछन् ।

विजेताले २० लाख रुपैयाँ नगद पुरस्कार पाउनेछन् । यस्तै देश तथा विदेशका कन्सर्ट र चर्चित संगीतकार तथा एरेन्जरसँग गीत रेकर्डको अवसरसमेत पाउनेछन् ।

लोकस्टारको पहिलो सिजन एपी वान टेलिभिजनमा प्रसारण भएको थियो, जसलाई चाहना मिडियाले निर्माण गरेको थियो ।

नेपाल लोकस्टारलाई हिमालय टेलिभिजनले खरिद गरेसँगै लोकस्टारको दोस्रो सिजन हिमालय टेलिभिजनले उत्पादन र प्रसारण गर्नेछ । डेढ महिनाभित्र प्रसारण सुरु गर्नेगरी तयारी भइरहेको जनाइएको छ ।

 

प्रतिक्रिया सबै