free download zoom app for windows is zoom online or download - is zoom online or download zoom uk login my account uk - zoom uk login my account uk join zoom meeting with id & password manager zoom web conference download zoom login download pc zoom free download for laptop windows 10 - zoom free download for laptop windows 10
१३ मंसिर २०७९, मंगलवार Tuesday 29 November, 2022

फेसबुकका सीओओ शेरिलद्वारा राजीनामा

 शुक्रबार, जेष्ठ २० २०७९  

काठमाडौं । विश्वको सर्वाधिक लोकप्रिय सामाजिक सञ्जाल फेसबुकको मातृ कम्पनी मेटाकी प्रमुख कार्यसञ्चालन अधिकृत (सिओओ) शेरिल स्याण्डबर्गले पदबाट राजीनामा दिएकी छन् । पछिल्लो १४ वर्षदेखि उक्त पदमा रहेकी शेरिलले बुधबार राजीनामाको घोषणा गरेकी हुन् ।

उनले एक फेसबुक पोस्ट मार्फत अब जीवनको नयाँ अध्यायको समय आएको बताएकी छन् । शेरिल स्याण्डबर्ग फेसबुक स्थापना भएको ४ वर्षपछि सन् २००८ मा कम्पनीसँग जोडिएकी थिइन् । आफ्नो लामो कार्यकालमा उनले फेसबुकको डिजिटल विज्ञापन व्यवसायलाई निकै उत्कृष्ट ढंगले सम्हालिन् र कम्पनीलाई नयाँ उचाइँमा पुर्‍याइन् ।

फेसबुकलाई १०० अर्ब डलरको कम्पनीसम्म पूराउनका लागि उनले अहम भूमिका खेलेकी थिइन् । सोही कारण उनी फेसबुक सीईओ मार्क जुकरबर्गपछि कम्पनीमा दोश्रो वरिष्ठ अधिकारीको रुपमा कार्यरत थिइन् ।

मेटाको सिओओ पदबाट राजीनामा दिएपनि कम्पनीको बोर्ड अफ डाइरेक्टर्सको सदस्यको रुपमा भने काम गरिरहने ५२ वर्षकी स्याण्डबर्गले बताएकी छिन् । फेसबुकमा उनले लेखेकी छिन्, ‘भविष्यमा के हुन्छ भन्ने कुरा यकिनसाथ त म भन्न सकिदन तर मैले मेरो प्रतिष्ठान तथा परोपकारी कार्यमा ध्यान केन्द्रित गर्ने कार्य यसमा सामेल हुनेछ जुन मेरोलागि पहिलेदेखि नै निकै महत्वपूर्ण छ किनकी यस्तो कार्य महिलाका लागि निकै महत्वपूर्ण छ ।’

फेसबुक कम्पनीमा जोडिनु अगाडि स्याण्डबर्ग गुगलमा काम गर्दथिन् । फेसबुकमा आएसँगै युवा सीईओ मार्क जुकरबर्गसँग मिलेर फेसबुकलाई लाभहीन सोसल नेटवर्किङ साइटबाट माथि उठाएर नाफामूलक कम्पनीको रुपमा अगाडि बढाउनु उनको लक्ष्य थियो ।

अब स्याण्डबर्गको राजीनामा पश्चात् अब जेभिएर ओलिभनले मेटा कम्पनीको नयाँ सिओओको रुपमा जिम्मेवारी सम्हाल्नेछन् । कम्पनीका सीईओ मार्क जुकरबर्गले आफ्नो फेसबुक मार्फत् यस्तो खुलासा गरेका हुन् । अहिलेसम्म उनले फेसबुक, इन्स्टाग्राम, ह्वाट्सएप तथा मेसेन्जर एपमा काम गरिरहेका थिए । एजेन्सी

प्रतिक्रिया सबै