zoom cloud meeting download free why isn't my mic working on zoom laptop zoom rooms app download anime zoom download zoom conferencing free download zoom webcam app
१० मंसिर २०७९, शनिबार Saturday 26 November, 2022

गठबन्धनका दलहरुले नैतिक आचरण विपरीत काम गर्यो : बाबुराम भट्टराई

 शनिबार, जेष्ठ २१ २०७९  

काठमाडौं । जनता समाजवादी पार्टीका संघीय परिषद अध्यक्ष डा. बाबुराम भट्टराईले सत्ता गठबन्धनका दलहरुले नैतिक आचरण विपरीत काम गरेको आरोप लगाएका छन् । चुनावी समीक्षा कार्यक्रममा सहभागी हुन शनिबार गोरखा सदरमुकाम पुगेका भट्टराईले इमान्दारिता नदेखाउँदा स्थानीय चुनावमा आफूहरुले अपेक्षित परिणाम प्राप्त गर्न नसकेको बताएका हुन् ।

‘गठबन्धनको धर्म अनुसार एक पटक निर्णय गरेपछि त्यसलाई जसरी पनि कार्यान्वयन गर्नुपथ्र्यो,’ उनले भने, ‘तर त्यसो भएन, लोकतान्त्रिक मूल्य मान्यता र नैतिक आचरण विपरीत भयो, यसकै फलस्वरुप हामीले अपेक्षित परिणाम प्राप्त गर्न सकेनौ ।’ विचार नमिल्ने शक्तिहरु बिच गठबन्धन हुँदा पनि समस्या भएको उनको भनाई छ । नेपाली कांग्रेसका सभापति तथा प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डसँग गोरखाको स्थानीय तह भागवण्डामा सहमति गरेपनि कांग्रेसकै कारण कार्यान्वयन हुन नसकेको उनले बताए ।

‘गोरखाको ११ स्थानीय तहमध्ये कांग्रेसलाई पाँच, माओवादीलाई चार र जसपालाई दुई भनेर मैले फर्मुला निकालेँ, शेरबहादुर र प्रचण्डले पनि हुन्छ भन्नुभयो तर कांग्रेसका साथीहरुको के वुद्धि बिग्रियो मान्नुभएन’, भट्टराईले भने ।

एकीकृत समाजवादी पार्टीले पनि ढाँटछल गरेको उनले बताए । चुनावी तालमेल भएको ठाउँमा उनीहरुले जसपालाई सहयोग नगरेको उनको भनाई छ । संगठनात्मक कमजोरी र पार्टी भित्रकै अस्वस्थ प्रतिस्पर्धाका कारण पनि गोरखामा चुनाव हारेको उनको भनाई थियो ।

प्रतिक्रिया सबै