zoom cloud meeting app download free on pc - zoom cloud meeting app download free on pc zoom meeting join a meeting by number go - zoom meeting join a meeting by number go download zoom free for windows zoom login uk online update - zoom login uk online update zoom cloud meeting software free download zoom meeting joining instructions big bub zoom download
१७ मंसिर २०७९, शनिबार Saturday 3 December, 2022

शनिबारदेखि सीमामा रोकिएका ७५ टयांकर र ग्यासका ४८ बुलेट नेपाल भित्रिए

 सोमवार, जेष्ठ ३० २०७९  

काठमाडौँ। शनिबारदेखि सीमामा रोकिएका पेट्रोलियम पदार्थ बोकेका ट्यांकर सोमबार अबेर भैरहवा भन्सार कार्यालय भित्रिएका छन् । भारतीय भन्सार कार्यालयले एडी कोड नभएको भन्दै ३ दिनदेखि रोकेको ट्यांकर म्यानुअल रुपमा कोड प्रविष्ट गरेपछि साझ सवा ७ बजे नेपाल आएका हुन् । भारतमा रोकिएको डिजल पेट्रोलको ७५ वटा ट्यांकर र ग्यासको ४८ वटा बुलेट नेपाल आएका हुन् ।

भारतीय भन्सार कार्यालयले प्रयोग गर्दै आएको सिस्टम अपडेट गर्दा नेपाल आउने पेट्रोलियम पदार्थ शनिबारदेखि सिमामा रोकिएको थियो । भारतीय भन्सार कार्यालयले एडी कोड प्रविष्ट गरेर मात्रै निर्यात दिने व्यवस्था अनिवार्य गरेपछि तेल आयात हुन सकेको थिएन । भारतीय आयल कर्पोरेशनले एडी कोड राख्नुपर्ने प्रावधान रहेको छ । शुक्रबारदेखि लागू भएको नयाँ व्यवस्था अनुसार कर्पोरेशनले कोड नराखिदिँदा नेपालतर्फ पेट्रोलको आपूर्ति घटेको थियो ।

नेपाल आयल निगम प्रादेशिक कार्यालय भलवारीले भारतीय भन्सार कार्यालयमा प्रतिनिधि पठाएर म्यानुअल रुपमा काम अगाडि बढाएसँगै रोकिएका ट्यांकर नेपाल आएको कार्यालय प्रमुख नव विनोद पोखरेलले जानकारी दिए । तत्कालका लागि आइओसीले म्यानुअल गरिदिनका लागि भारतीय भन्सारलाई अनुरोध गरेपछि हाललाई नेपाल आउने पेट्रोलियम पदार्थको अवरोध हटेको छ ।

भैरहवा भन्सार कार्यालयले भन्सार प्रक्रिया पुर्‍याई तत्कालै ट्याङकरहरु गनतव्यमा पठाउने भैरहवा भन्सार कार्यालयका सूचना अधिकारी तिर्थराज पासवानले बताए । ‘आइओसी सिस्टममा नजाँदा समस्या आएको हो, भन्सारले जति सक्दो छिटो आएका ट्यांकर भन्सार गरेर पठाउँछ’ उनले भने ।

नेपालमा आइओसी मार्फत् तेल आउने गर्छ, भारतीय आइसिई गेट पोर्टलमा बैक, एडी कोड, खाता नम्बर, लोकेशन सहितको डाटा प्रविष्ट गर्नुपर्छ । जसका लागि अनिवार्य रुपमा चालु रहेको खाताको पासवुकको फोटो र खाता वाहकको बैंकले जारी गरेको प्रमाण पत्र चाहिन्छ । यो प्रक्रिया अपनाएर आधिकारिक रुपमा दर्ता र अध्यावधिक गर्नुपर्छ ।

३ दिन तेल आयात रोकिदा नेपाल तर्फ अभाव हुन थालेको थियो । डिजलको भण्डारण क्षमता भन्दा पेट्रोलको कम भएकोले बजारमा पेट्रोलको अभाव सिर्जना भइसकेको थियो । भन्सारबाट आएको टयाङकर तत्कालै प्रदेशिक कार्यालयले सम्बन्धित पेट्रोल पम्पमा राती नै पठाउने व्यवस्था मिलाएको छ ।

प्रतिक्रिया सबै