join zoom meeting with id & password zoom 5.4.1 download can't connect to zoom on laptop zoom app speaker settings zoom pc download link zoom chat app zoom join meeting id number - zoom join meeting id number
२३ श्रावण २०७९, सोमबार Monday 8 August, 2022

अमेरिकालाई एसपीपीमा सहभागी हुन्नौँ भनेर स्पष्ट पत्र पठाउन सरकारलाई निर्देशन

 शुक्रबार, असार ३ २०७९  

काठमाडौं । संघीय संसद प्रतिनिधिसभा अन्तराष्ट्रिय सम्बन्ध समितिले अमेरिकी राज्य साझेदारी कार्यक्रम (एसपीपी)मा सहभागी हुन्नौँ भनेर स्पष्टप पत्र अमेरिकालाई पठाउन सरकारलाई निदेर्शन दिएको छ ।

शुक्रबार सरोकारवालासँगको छलफलपछि समितिले नेपाल सरकार र परराष्ट्र मन्त्रालयलाई अमेरिकी हिन्द प्रशान्त रणनीतिको हिस्साको रुपमा रहेको तथ्य खुलेकाले उक्त कार्यक्रममा नेपाल संलग्न नहुने कुरा स्पष्ट रुपमा औपचारिक ढंगले अमेरिकालाई पत्र पठाउन निर्देशन दिएको हो ।

‘हालै अमेरिकी राज्य साझेदारी कार्यक्रम (एसपीपी) मा नेपालको संलग्नता सम्बन्धमा सार्वजनिक भएका कुराहरु एवं विवादास्पद विषयमा नेपाल सरकारको औपचारिक धारणा निर्णयको रुपमा आउनुपर्छ’, समितिले निर्णय सार्वजनिक गर्दै भनेको छ, ‘अमेरिकी राज्य साझेदारी कार्यक्रम (एसपीपी) अमेरिकी हिन्द प्रशान्त रणनीतिको हिस्साको रुपमा रहेको तथ्य संयुक्त राज्य अमेरिका सरकारद्वारा प्रकाशित रणनीतिक प्रतिवेदनमा उल्लेख भएकाले उक्त कार्यक्रममा अब उप्रान्त नेपाल संलग्न नहुने कुरा स्पष्ट रुपमा औपचारिक किसिमले अमेरिकालाई अवगत गराउन नेपाल सरकार, परराष्ट्र मन्त्रालयलाई निर्देशन दिने ।’

बैठकले प्रधानमन्त्री शेरबहादुर देउवाको आसन्न अमेरिका भ्रमणका सिलसिलामा सोही विषयलाई ध्यानमा राख्दै कुनैपनि विवादास्पद एवं स्वतन्त्र र असंलग्न परराष्ट्र नीतिसँग मेल नखाने सहमति वा कार्य नगर्न पनि निर्देशन दिएको छ ।
बैठकले एसपीपीबारे नेपाल सरकारको रक्षा मन्त्रालय, परराष्ट्र मन्त्रालय र नेपाली सेनाले अमेरिकासँग गरेका सहमति वा पत्राचार ७ (सात) दिनभित्र अन्तर्राष्ट्रिय सम्बन्ध समितिलाई उपलब्ध गराउन सरकारलाई निर्देशन दिएको ।

बैठकले तत्कालिन परराष्ट्र सचिवको नेतृत्वमा रक्षासचिव, गृह सचिव र नेपाली सेनाका प्रधानसेनापति सम्मिलित कार्यदलको प्रतिवेदनसमेत समितिमा पेश गर्न परराष्ट्र मन्त्रालयलाई निर्देशन दिएको छ । शुक्रबार समितिको छलफलमा परराष्ट्रमन्त्री डा।नारायण खड्का, नेपाली सेनाका प्रधानसेनापति प्रभुराम शर्मा, परराष्ट्र मन्त्रालयका सचिव भरतराज पौड्याल, रक्षा मन्त्रालयका सचिव किरणराज शर्मा लगायत सहभागी थिए ।

प्रतिक्रिया सबै