download zoom app zoom portugues brasil download zoom installer full.msi parameters facetime zoom app zoom meet app download for pc zoom login my account australia - zoom login my account australia
१ भाद्र २०७९, बुधबार Wednesday 17 August, 2022

जेलभित्रै बाबुराम भट्टराई र रेशम चौधरीको वार्ता

 शनिबार, असार ४ २०७९  

काठमाडौं । पूर्व प्रधानमन्त्री एवं जनता समाजवादीका संघीय परिषद् अध्यक्ष डा. बाबुराम भट्टराई रेशम चौधरीलाई भेट्न डिल्लीबजारस्थित कारागार पुगेका छन् । चौधरीलाई भेट्न शनिबार बिहानै कारागार पुगेका नेता भट्टराईले टिकापुर घटना राजनैतिक घटना रहेको भन्दै सरकारले त्यही ढंगले निरुपण गर्नुपर्ने बताए ।

चौधरीले टिकापुर घटनामा निर्दोष थारुहरुलाई फसाइएको नेता भट्टराईले बताए । उनीहरु दुबैबीच करिब ४५ मिनेट कारागारभित्रै छलफल भएको थियो । आफू कहि कतै संलग्न नरहेको बताउँदै राज्यबाट निर्दोष थारुहरुमाथि ज्यादती भएको नेता भट्टराईको भनाई छ । भट्टराईले यस विषयमा सरकारसँग गम्भीर रुपले कुरा राख्ने समेत चौधरीलाई आश्वासन पनि दिए ।

२०७२ साल भदौ ७ गते टिकापुर घटना ८ प्रहरी र १ नाबालकको ज्यान गएको थियो । उक्त घटनामा जिल्ला अदालत र उच्च अदालतले रेशम चौधरीलाई दोषी ठहर गरेको छ । चौधरीले भने आफू निर्दोष रहेको बताउँदै आएका छन् ।

भट्टराईसँगको भेटघाटमा चौधरीले आफु निर्दोष रहेको प्रष्टा पारेका थिए । शनिबार भट्टराईको जन्मदिन समेत परेको थियो । चौधरीले भट्टराईलाई जन्मदिनको शुभकामना समेत दिए ।

जेल भित्र रहेका रेशम चौधरीलाई भेट्न हिजो (शुक्रबार) सिके राउत पनि पुगेका थिए । करिब ४५ मिनेटको भेटघाटमा भट्टराई र चौधरीले कफी मगाएर पनि खाएका थिए । भेटमा भट्टराई र चौधरीसंगै नागरिक उन्मुक्ति पार्टीकी अध्यक्ष रन्जिता श्रेष्ठ पनि उपस्थित थिइन् । रन्जिता चौधरीको धर्मपत्नी हुन् ।

केहि हप्ताअघि मात्रै चौधरीपत्नी रन्जिता श्रेष्ठले सामाजिक सञ्जालमा टीकापुर घटनामा रेशम चौधरीले आफू दोषी नभएको बताएका थिए । घटनाको वास्तविकता राज्यलाई नै थाहा भएको भन्दै उनले आफु उक्त घट्नामा दोषी नभएको बताएका थिए ।
चौधरीपत्नी रन्जिता श्रेष्ठले सामाजिक सञ्जालमा लेखेकी छन् ‘दोषीलाई राज्यले नै जोगाएर राखेको छ । बरु तिनलाई पुरस्कार दिइएको छ । राजनीतिक लाभ दिइएको छ । कहिलेकाहीँ त निकै हाँसो पनि उठछ राज्यले उल्टो तिनैलाई वार्ता टोलीको संयोजक बनाएर पठाउँदा ।’

रन्जिता नागरिक उन्मुक्ति पार्टीकी केन्द्रीय अध्यक्ष हुन् । रेशम चौधरीले लेखेर दिएको भनाइ आफूले सामाजिक सञ्जालमा लेखेको उनले उल्लेख गरेकी छन् । २०७२ साल भदौ ७ मा विरोध प्रदर्शनमा नेपाल प्रहरीका वरिष्ठ प्रहरी उपरीक्षक लक्ष्मण न्यौपानेसहित आठ सुरक्षाकर्मीको मृत्यु भएको थियो । घटनामा एक बालकको पनि मृत्यु भएको थियो ।

उक्त घटनामा सांसद रेशम चौधरीलाई जिल्ला अदालत र उच्च अदालतले जन्मकैदको फैसला सुनाएको थियो । रेशम चौधरीले भने आफू निर्दोष रहेको बताउँदै आएका छन् ।


यो पनि पढ्नुहोस्

जेलबाटै रेशम चौधरीले भने- ‘टीकापुर घटनाका दोषीलाई राज्यले नै जोगाएर पुरस्कार दिएको छ’

प्रतिक्रिया सबै