५ जेष्ठ २०८१, शनिबार Saturday 18 May, 2024

जारको नक्कली पानी बेच्ने २ जना पक्राउ

 सोमवार, असार ६ २०७९  

काठमाडौं । प्रहरीले जारको पानी नक्कली बेच्ने २ जनालाई पक्राउ गरेको छ । विभिन्न कम्पनीको ट्रेड मार्क प्रयोग गरेर पानीको जार बेचेको आरोपमा उनीहरुलाई प्रहरीले पक्राउ गरेको हो ।

प्रहरी परिसर, काठमाडौंले अन्य कम्पनीको ट्रेड मार्क प्रयोग गरी कम गुणस्तरको पानी विक्री गरेको अभियोगमा सर्लाहीका आशिष कार्की र चितवनका किरण श्रेष्ठलाई पक्राउ गरेको हो ।

उनीहरुको साथबाट १९७ वटा पानीको जार बरामद गरिएको काठमाडौं प्रहरीका एसपी दिनेशराज मैनालीले बताए । यसरी अन्य कम्पनीको ट्रेडमार्क भएको पानीको जार विक्री गर्न प्रयोग गरिएका दुई वटा गाडीलाई पनि प्रहरीले बरामद गरोके छ ।

एसपी मैनालीका अनुसार थप अनुसन्धान तथा कारबाहीका लागि प्रहरीले पक्राउ परेका व्यक्ति र जारलाई वाणिज्य आपूर्ति तथा उपभोक्ता हित संरक्षण विभाग, बबरमहल पठाएको छ ।

प्रतिक्रिया सबै