१५ फाल्गुन २०८०, मंगलवार Tuesday 27 February, 2024

महँगीले सर्वसाधारणको दैनिकी कष्टकर, आन्दोलन चर्काउने सरोकारवाला पक्षको घोषणा

 सोमवार, असार ६ २०७९  

काठमाडौं । महँगीले सर्वसाधरणको दैनिकी कष्टकर बन्दै गएको छ । तर, सरकारले महँगी नियन्त्रणका लागि कुनै पनि कार्य अपनाएको छैन । बजार महँगीले सीमा नाघेसँगै सरोकारवाला पक्षहरुले महँगीको मुद्दामा सरकारविरुद्ध आन्दोलन चर्काउने भएका छन् ।

राजनीतिक पार्टी, विद्यार्थी, उपभोक्ता, उपभोक्तावादी लगायतले महँगीविरुद्ध आन्दोलन गर्ने भएका हुन् । सोमबार्मात्र एक निर्णय गर्दै प्रमुख प्रतिपक्षी दल नेकपा एमालेले पेट्रोलियम पदार्थको चरम मूल्यवृद्धि गर्ने सरकारविरुद्ध सदन र सडक दुवैबाट आन्दोलन चर्काउने उद्घोष गरेको हो ।

पेट्रोलियम पदार्थको स्टक नसकिँदै मूल्यवृद्धि गरेर सरकारले अर्बौँ रुपैयाँ घोटाला गरेको समेत एमालेले आरोप लगाएको छ ।

यस्तै उपभोक्तावादी संघ संस्थाहरुले पनि मूल्यवृद्धिको विरोध गर्दै सरकारविरुद्ध कडा आन्दोलन गर्ने जनाएको छ । कन्जुमर आई नेपालका महासचिव रञ्जन खनालले सरोकारवाला निकाय, सम्बद्ध व्यक्तित्वहरु लगायत उद्योगी व्यवसायी र विद्यार्थीलाईसमेत आन्दोलनमा होमिन आह्वान गरिएको बताए ।

यो पनि पढ्नुहोस्

मूल्यवृद्धि रोक्न प्रतिपक्षी र सत्तारुढ दलका सांसदले गरे सरकारको ध्यानाकर्षण

प्रतिक्रिया सबै