zoom meeting login free zoom 64 bit download windows 10 zoom app alternative free zoom app for pc system requirements zoom meeting installer download future zoom download free download zoom client meeting download zoom filehippo
१३ आश्विन २०७९, बिहीबार Thursday 29 September, 2022

इन्डोनेसियाका राष्ट्रपतिले रूस र युक्रेनको भ्रमण गर्ने

 बुधबार, असार ८ २०७९  

काठमाडौँ। इन्डोनेसियाका राष्ट्रपति एवम् जी २० का अध्यक्ष जोको विडोडोले रुस र युक्रेनको भ्रमण गर्ने भएका छन् । युक्रेनमाथि रूसले आक्रमण गरेपछि उत्पन्न आर्थिक तथा मानवीय परिस्थितिबारे छलफल गर्न उनी यसै महिना युक्रेन र रुसको भ्रमणमा जाने भएका हुन् ।

इन्डोनेसियाको बाली टापुमा नोभेम्बरमा हुने विश्वका प्रमुख अर्थतन्त्रहरूको समूहको शिखर सम्मेलनमा आमन्त्रण गर्ने निर्णयलाई लिएर विवादमा परेका बेला राष्ट्रपति विडोडो रुस र युक्रेनको भ्रमणमा जान लागेका हुन् ।

रूसले युक्रेनमाथि युद्ध अपराध गरेकाले उसलाई सम्मेलनमा आमन्त्रण गर्न नहुने समूहका अन्य सदस्यले बताएपछि विवाद बल्झेको हो ।

इन्डोनेसियाले यसवर्ष जी २० को अध्यक्षता गरिरहेको छ । उमाथि अमेरिकाको नेतृत्वमा केही पश्चिमी देशहरूबाट रुसलाई बैठकबाट बहिष्कार गर्न दबाब परेको बताइएको छ ।

विडोडोले जुन २६ र २७ मा जर्मनीमा हुने जी २० शिखर सम्मेलनमा इन्डोनेसियाको अतिथि देशको रूपमा प्रतिनिधित्व गरेपछि किभ र मस्कोको भ्रमण गर्ने र युद्ध सुरु भएदेखि दुबै देशको भ्रमण गर्ने योजना रहेको बताइएको छ ।

यससँगै उनी युक्रेनमाथि रुसले आक्रमण थालेयता ती मुलुकहरुको भ्रमण गर्ने पहिलो एसियाली नेता बन्ने इन्डोनेसियाका परराष्ट्रमन्त्री रेत्नो मार्सुडीले बताएका छन् ।

दुबै मुलुकको भ्रमणमा राष्ट्रपति विडोडोले युक्रेनी समकक्षी भोलोदिमिर जेलेन्स्की र रुसी समकक्षी भ्लादिमिर पुटिनसँग भेट्ने मार्सुदीले बताए ।

इन्डोनेसियाले युक्रेनमा जारी संकटमा तटस्थताको नीति अपनाउने प्रयास गर्दै महिनौं लामो द्वन्द्वको शान्तिपूर्ण समाधानको लागि आह्वान गरेको छ ।

विडोडोले मानवीय सहायताको सट्टा जेलेन्स्कीको अनुरोधको जवाफमा युक्रेनलाई हतियार पठाउन अस्वीकार गरेका थिए ।

इन्डोनेसियाले युक्रेनलाई जी २० शिखर सम्मेलनको अतिथि सदस्यको रूपमा आमन्त्रित गरेको छ । जेलेन्स्कीले भने आफ्नो इन्डोनेसिया भ्रमण युद्धको स्थितिमा निर्भर हुने भन्दै कम्तिमा भर्चुअल उपस्थिती जनाउने बताएका छन् ।तस्वीर- रोयटर्स

प्रतिक्रिया सबै