११ बैशाख २०८१, मंगलवार Tuesday 23 April, 2024

घुसकाण्डमा मुछिएका न्यायाधीश र वकिलमाथि कारबाही गर्न न्यायपरिषद्‌मा निवेदन

 बिहिबार, असार ९ २०७९  

काठमाडौं । राष्ट्रिय प्रजातन्त्र पार्टीले २ करोड लेनदेनको डिल गरेका न्यायाधीश र वकिललाई तत्काल कारबाही गर्न माग गर्दै न्यायपरिषद्‍मा निवेदन दिएको छ ।

पार्टीका प्रवक्ता तथा सुशासन विभाग प्रमुख ज्ञानेन्द्र शाहीले आज निवेदन दर्ता गरेका हुन् ।
निवेदनमा न्यायधीश राजकुमार कोइराला र अभिवक्ता रुद्रप्रसाद पोखरेलबीचको नगदी बार्गेनिङ अडियोका आधारमा उनीहरूलाई तुरुन्तै पदबाट हटाउन माग गरिएको छ ।

निवेदन दिएपश्चात प्रवक्ता शाहीले कोइराला र पोखरेललाई तत्काल पक्राउ गरी थुनामा राखेर अनुसन्धान गर्नुपर्ने बताए । आफूहरूले दिएको निवेदनलाई कार्यान्वयन गरिएन भने राप्रपाले आन्दोलन गर्ने उनले चेतावनी दिएका छन् ।

‘उहाँहरूलाई पक्राउ गर्नका लागि अडिओ नै पर्याप्त छ,’ शाहीले भने, ‘फुटपाथमा कपडा बेच्नेलाई एकैछिनमा पक्राउ गरेर जेल हाल्न सक्ने सरकारले यत्रो काण्डमा ४५ दिनको म्याद दिएर भ्रष्टाचारको प्रमाण लुकाउन समय दिएकोमा हाम्रो आपत्ति छ । उनीहरूलाई हिरासतभित्र राखेर छानबिन गर्नुपर्छ ।’

प्रतिक्रिया सबै