९ आश्विन २०७९, आईतवार Sunday 25 September, 2022

जापानमा उच्च तापक्रम, नागरिकलाई बत्तीको स्विच बन्द गर्न आग्रह

 सोमवार, असार १३ २०७९  

काठमाडौं । जापमा अहिले उच्च तापक्रम बढेको छ । जापान सरकारले अहिले टोक्यो र यसआसपासका क्षेत्रमा बस्ने नागरिकलाई अनावश्यक रुपमा बत्ती नबाल्न आग्रह गरेको छ ।

सोमबारका लागि गरिएको उक्त आग्रह एक्कासि तापक्रममा भएको वृद्धिका कारण गरिएको हो । झण्डै ३ करोड ७० लाख मानिसलाई उक्त आग्रह गरिएको समाचारमा उल्लेख छ ।

बीबीसीका अनुसार बत्तीको स्विच अफ गर्न भने पनि एयर कन्डिसन भने अन गर्न र ‘हिटस्ट्रोक’बाट बच्न अपिल गरिएको छ । पछिल्लो समय जापानमा तापक्रम उच्च वृद्धि भएको छ। यो हप्ता मध्यटोक्योको तापक्रम ३५ डिग्री सेल्सियसमाथि पुग्दा इसेसाकी सहरमा ४०.२ डिग्री सेल्सियस पुगेको छ। यो तापक्रम जापानमा जुनमा रेकर्ड गरिएको अहिलेसम्मकै उच्च हो ।

जुन महिना जापानमो वर्षायामको सुरुवाती महिना हो। यस महिनाभर तापक्रम ३० डिग्री सेल्सियसभन्दा तल नै रहने गरेको छ।

आइतबार एक वक्तव्यमा जापानले सोमबार विद्युत् उत्पादनमा ३।७ प्रतिशतले कमी आउने बताएको थियो। सरकारले तीन घण्टाका लागि बत्तीको स्विच अफ गर्न भनेको बताइएको छ । बीबीसी

प्रतिक्रिया सबै