download zoom 5.3.0 download zoom chat client download zoom to my pc zoom b3 edit and share download zoom app offline installer for pc zoom meeting software free download
१८ आश्विन २०७९, मंगलवार Tuesday 4 October, 2022

सरुवा रोगको जोखिम बढेसँगै रोकथामका लागि पूर्व तयारीमा जुट्न अस्पताललाई निर्देशन

 शुक्रबार, असार १७ २०७९  

काठमाडौं । स्वास्थ्य मन्त्रालयले सरुवा रोगको जोखिम बढेपछि रोकथामका लागि पूर्व तयारी थाल्न सबै अस्पताललाई निर्देशन दिएको छ ।

स्वास्थ्य मन्त्रालयले मनसुन सक्रिय भएसँगै प्राकृतिक विपद् र खानेपानी दूषित भइ हैजा जस्ता सङ्क्रामक रोग फैलिने जोखिम बढेको भन्दै रोकथाममा जुट्न निर्देशन दिएको हो ।

मन्त्रालयले विज्ञप्तिमार्फत जनस्वास्थ्यमा पर्न सक्ने क्षतिलाई न्यूनीकरण गर्न सबैले आ-आफ्ना ठाउँबाट आवश्यक सावधानी लिन र तयारी अवस्थामा रहन आग्रह गरेको छ ।

यस्तै, महामारी लगायतको प्रतिकार्यका लागि स्वास्थ्यकर्मी तयारी अवस्थामा राख्न, आवश्यकता अनुसार शय्याको व्यवस्थापन गर्न, औषधि उपकरणको तयारी गर्न पनि अस्पतालहरुलाई भनिएको छ ।

स्वास्थ्य आपत्कालीन कार्यसञ्चालन केन्द्र (एचईओसी) र प्रादेशिक स्वास्थ्य आपत्कालीन कार्यसञ्चालन केन्द्र (पीएचईओसी) सँग सवन्वय गर्न पनि भनिएको छ । अहिले हैजा, झाडापखालासँगै कोरोना भाइरसको सङ्क्रमणका बिरामी बढ्दै छन् ।

मन्त्रालयले सरुवा रोगबाट जोगिन जनस्वास्थ्यका मापदण्ड पालना गर्न पनि आग्रह गरेको छ । खाना खानुअघि र दिसा गरेपछि साबुन पानीले हात धुन तथा मास्क लगाएर मात्र हिँडडुल गर्न स्वास्थ्य मन्त्रालयले सबैलाई आग्रह गरेको छ ।

यस्तो छ विज्ञप्ति

प्रतिक्रिया सबै