zoom download for window 10 download zoom update for windows zoom download free for pc zoom meeting joining 2018 - zoom meeting joining 2018 why is my second monitor zoomed in windows 11 zoom app download for windows zoom cloud download app zoom download pc desktop - zoom download pc desktop
२९ श्रावण २०७९, आईतवार Sunday 14 August, 2022

विद्यार्थीलाई चना, अण्डा र खीर

 आइतवार, असार २६ २०७९  

काठमाडौं । लमजुङका सामुदायिक विद्यालयमा नेपाल सरकारद्वारा सञ्चालित दिवा खाजा कार्यक्रम प्रभावकारी बन्दै गएको छ । खाजा कार्यक्रमले पढ्न आउने विद्यार्थीको आकर्षण बढ्दै र बीचमै पढाई छाड्ने प्रवृत्तिको अन्त्य भएको छ ।

बेँसीशहर नगरपालिका शिक्षा शाखाका शाखा अधिकृत रामकृष्ण त्रिपाठीले सरकारले दुई वर्षअघि सुरु गरेको दिवा खाजा कार्यक्रमले अभिभावक, विद्यार्थी र विद्यालयको सम्बन्ध राम्रो हुनुका साथै बालबालिकालाई पोषणयुक्त खाना उपलब्ध भएको बताए ।

दिवा खाजा कार्यक्रमबाट बेँसीशहर नगरपालिकाका मात्र ६० विद्यालयका करिब १३ सय छात्रछात्रा लाभान्वित भएका छन् । प्रतिव्यक्ति दैनिक १५ रुपैयाँका दरले हरेक महिना पाँच लाख ८५ हजार खर्च हुने गरेको बेँसीशहर शिक्षा शाखाले जनाएको छ ।

विद्यालयमा ‘कुन बार के खाजा खाने भन्ने तालिका बनाएर सोहीअनुरुप कार्यान्वयन गर्ने गरेको विद्यालयका शिक्षकहररु बताउँछन् । स्वस्थ खानाले बालबालिकाको स्वास्थ्यमा राम्रो प्रभाव पारेको उनको भनाई छ ।

खाजाका रुपमा तरकारी चिउरा, चना, अण्डा, सुजीको हलुवा र खीर हुने बालबालिका बताउँछन् । विद्यालयमा खाजाको व्यवस्था गरेपछि विद्यार्थी स्वास्थ्य भई शिक्षण सिकाइमा सक्रिय हुने गरेको अभिभावक सरस्वती थापा बताउँछन् । खाजा कार्यक्रमले बालबालिका विद्यालयमा नियमित हुने, बीचमै कक्षा नछोड्ने, विद्यालय जान हौसिने गरेका छन् ।

प्रतिक्रिया सबै