zoom school app download zoom pc client download zoom 1 font free download zoom software download center zoom room download pc download all zoom recordings zoom app login online
१ भाद्र २०७९, बुधबार Wednesday 17 August, 2022

बजेट पारितपछि बागमती प्रदेशसभाको बैठक बस्दै

 बुधबार, असार २९ २०७९  

काठमाडौँ । बजेट पारित भएपछि बागमती प्रदेशसभाको पहिलो बैठक आज बस्ने भएको छ ।

गत असार १६ गते प्रदेश सरकारको आगामी आर्थिक वर्षको बजेट पारित गरे लगत्तै अनिश्चितकालका लागि स्थगित गरिएको प्रदेशसभाको चालु दसौँ अधिवेशनको २५औँ बैठक आज बस्ने भएको हो ।

दिउँसो १ बजे बस्ने बैठकमा प्रदेश सरकारद्वारा प्रस्तुत गरिएका केही अध्यादेश र विभिन्न समितिमा रहेका विधेयकमाथि दफावार छलफल भई प्रतिवेदन तयार भएका उक्त विधेयक प्रस्तुत गर्ने कार्यसूची रहेको प्रदेशसभा सचिवालयले जनाएको छ ।

सचिवालयका अनुसार बैठकमा मुख्यतः संसद्‍मा संशोधनका लागि पेश भएको केही प्रदेश ऐन संशोधन विधेयक–२०७९ माथि छलफल हुने कार्यसूची रहेको छ ।

आजको बैठकमा प्रमुख प्रतिपक्ष दल नेकपा एमालेका अधिकांश सांसदहरु उपस्थित नहुने भएका छन् । पूर्व निर्धारित कार्य तालिका अनुसार पार्टीको आन्तरिक कार्यक्रम र बैठक राखिएकाले प्रदेश सभाको बैठकमा एमालेका सांसदहरु उपस्थित नहुने बताइएको छ ।

प्रतिक्रिया सबै