५ जेष्ठ २०८१, शनिबार Saturday 18 May, 2024

एन्जिला बनिन् चिनियाँ ब्रान्ड लिनिङको दूत

 शुक्रबार, असार ३१ २०७९  

काठमाडौं । नेपाली राष्ट्रिय महिला फुटबल टोली तथा नेपाल एपीएफ क्लबकी गोलरक्षक एञ्जिला तुम्बापो सुब्बा लिनिङको ब्रान्ड दूत बनेकी छन् । खेलकुद सामग्री उत्पादक कम्पनी लिनिङले एञ्जिलालाई आगामी दुई वर्षका लागि सद्भावना दूत नियुक्त गरेको हो ।

एञ्जिला र लिनिङको आधिकारिक बिक्रेता चाइना ट्रेड कम्पनी प्रालिका प्रमुख कार्यकारी राजेन महर्जनका बीच शुक्रबार एक कार्यक्रममा सम्झौतापत्रमा हस्ताक्षर भएको छ ।

सम्झौताअनुसार एञ्जिलाको जीवनीमा आधारित रहेर बन्न लागेको चलचित्र ‘एञ्जिला’मा उनले लिनिङ ब्राण्डको उत्पादन प्रयोग गर्नेछिन् ।

सम्झौताअनुसार एटीएस अर्थात् एन्जिला तुम्बापो सुब्बा १८ ब्रान्डको रुपमा लिनिङले सामग्री उत्पादन गर्नेछ । त्यसबाट आएको १० प्रतिशत एन्जिलाले र बाँकी ५ प्रतिशत अन्य खेलाडीले पाउनेछन् । त्यस्तै एन्जिलाले खेल्दाबाहेक अघिपछि लिनिङको ब्रान्ड प्रयोग गर्नेछिन् ।

ब्रान्ड दूत बनेपछि एन्जिलाले निकै खुसी लागेको बताइन् । उनले भनिन्, ‘लिनिङले मलाई ब्रान्ड दूत बनाउँदा खुसी लागेको छ । अब अन्य स्पोर्ट्स ब्रान्डले पनि अरु खेलाडीलाई दूत घोषणा गर्ने विश्वास छ ।’

 

प्रतिक्रिया सबै