५ जेष्ठ २०८१, शनिबार Saturday 18 May, 2024

एन्फा कार्यसमितिको बैठक स्थगित

 बिहिबार, साउन ५ २०७९  

काठमाडौं । अखिल नेपाल फुटबल संघ (एन्फा) कार्यसमितिको बैठक स्थगित गरिएको छ । बिहीबार ललितपुरस्थित एन्फा मुख्यालयमा बसेको बैठक एजेन्डामा प्रवेश नै नगरी स्थगित गरिएको हो ।

वर्तमान कार्यसमितिको दोस्रो बैठकमा विभिन्न १८ एजेन्डा तय थिए । एन्फा मुख्यालयमा बिहान ७ बजे बैठक बस्ने भनिए पनि ढिलो गरी सुरु भएको थियो । तर, बैठक एजेन्डामा प्रवेशै नगरी स्थगित गरिएको वरिष्ठ उपाध्यक्ष वीरबहादुर खड्काले जानकारी दिए ।

यसअघि, गएको सोमबारका लागि बोलाइएको बैठक अध्यक्ष पंकजविक्रम नेम्वाङ अचानक बिरामी परेपछि स्थगित गरिएको थियो । एन्फा निर्वाचनपछि पदाधिकारीको शपथग्रहणलगत्तै बसेको पहिलो बैठकले विवादस्पद रूपमा केही महत्त्वपूर्ण निर्णय गरेपछि नेतृत्वको आलोचना भएको थियो ।

प्रतिक्रिया सबै