downlado zoom zoom download brasil zoom meeting deutsch download free join a zoom meeting with id and passcode zoom info download safe zoom download webinar attendee emails zoom install for windows 10 download install zoom meeting for windows 10
२९ श्रावण २०७९, आईतवार Sunday 14 August, 2022

३ अर्ब लगानीमा ‘होटल सेन्चुरियन’ खुल्दै

 आइतवार, साउन ८ २०७९  

काठमाडौं । प्रदेश १ को राजधानी सहर विराटनगरमा ३ अर्ब लगानीमा पाँच तारे होटल सेन्चुरियनसहितको व्यापारिक मल खुल्ने भएको छ ।

मसला उत्पादन गर्ने नेपाली उद्योग सेन्चुरी ग्रुप अफ कम्पनीले अर्को वर्षदेखि सञ्चालनमा ल्याउनेगरी विराटनगरमै पहिलो पटक पाँचतारे होटल र मलमा लगानी गरेको हो ।

३० कठ्ठा जमिनमा बन्ने ७५ हजार स्क्वायर फिटको मलमा १५० कोठाको पाँचतारे होटल सेन्चुरियन हुने कम्पनीका अध्यक्ष मोतीलाल दूगडले बताए । होटल सेन्चुरियनको व्यवस्थापनमा साझोदारी भने पाँच तारे होटल र्‍याडिनले गर्ने उनको भनाइ छ ।

‘विराटनगरमा पहिलो पाँच तारे होटल सहितको मल बनाउँदै छौं । अर्को वर्ष होटलसहितको मल सञ्चालनमा आउँछ,’ दूगडले भने ‘ होटलमा क्यासिनो, बालद्यान र व्यापरिक प्रयोजनको मल उपयोग हुनेछ ।’

होटल सेन्चुरियन व्यवस्थापनका लागि सोमबार साँझ ६ः३० बजे होटल र्‍याडिसनसँग सम्झौता हुने पनि उनले बताए । होटलसहितको पूर्वाधारमा बैंकहरुले १८० करोड र बाँकी १२० करोड लगानी सेन्चुरी ग्रूप अफ कम्पनीले गरेको अध्यक्ष दूगडको भनाइ छ ।

शिक्षा, राजनीति, उद्योग, व्यापार र पर्यटनको हबको रुपमा रहेको बिराटनगरमा पाँच तारे होटलको अभाव पूर्तिका लागि परियोजनामा लगानी गरेको उनको भनाइ छ ।

यो कम्पनीले यसअघि विराटनगरमै चार तारे होटल हेरिसन सञ्चालन गरिरहेको छ । सेन्चुरी ग्रूप अफ कम्पनी नेपालमा तरकारी मसला बिक्रीका लागि चर्चित छ । होटलसहितको मलको पूर्वाधारको काम धेरै सकिएको र अर्को वर्ष पूर्ण रुपमा सञ्चालनमा आउने गरी काम भइरहेको दूगडले बताए ।

 

प्रतिक्रिया सबै