zoom meeting app for pc windows 10 download download zoom app change desktop size windows 10 - change desktop size windows 10 download chat in zoom zoom app download windows 10 download zoom 5.0 for windows 10 download zoom webinar recording zoom india download for windows
२३ श्रावण २०७९, सोमबार Monday 8 August, 2022

मंसिर ४ गतेका लागि निर्वाचन मिति तोकियो भने आश्चर्य नमाने हुन्छ : प्रमुख निर्वाचन आयुक्त

 मङ्लबार, साउन १० २०७९  

काठमाडौं । आगामी प्रदेश र प्रतिनिधिसभा निर्वाचनका लागि करिव ८ करोड मतपत्र छाप्नुपर्ने भएको छ । स्थानीय तह निर्वाचनको परिणाम र खर्च विवरण सार्वजनिक गर्दै मंगलबार आयोजित पत्रकार सम्मेलनमा प्रमुख निर्वाचन आयुक्त दिनेश थपलियाले करिव ८ करोड मतपत्र छाप्नुपर्ने जानकारी दिए ।

‘अबको चुनावमा ८ करोड मतपत्र छाप्नुपर्छ । एउटा मतदान केन्द्रमा चार वटा मतपेटिका राख्नुपर्छ । यसअनुसार कर्मचारी पनि चाहिएला’, उनले भने । उनले निर्वाचनको मिति तय नभएपनि आयोगले आन्तरिक तयारी थालिसकेको बताए ।

निर्वाचन आयुक्त थपलियाले मन्त्रिपरिषद बैठकले मंसिर ४ गते प्रदेश र प्रतिनिधिसभा निर्वाचन गर्ने घोषणा भए आश्चर्य नहुने पनि बताए । ‘अबको मन्त्रिपरिषद् बैठकले मंसिर ४ को मिति घोषणा भए आश्चर्य हुने छैन’, उनले भने ।

आयोगले मंसिर २ को मिति उपयुक्त हुने परामर्श दिएको थियो । तर त्यो दिन शुक्रबार परेकाले दुई दिनपछि ४ मंसिर आइतबारमा गर्न सकिनेबारे प्रधानमन्त्री र मन्त्रीहरुसँग आयोगका पदाधिकारीको छलफल भएको थियो ।

स्थानीय तह निर्वाचनमा ५ अर्ब ४ करोड खर्च
वैशाख ३० गते एकै चरणमा भएको स्थानीय तह निर्वाचनमा ५ अर्ब रुपैयाँ खर्च भएको आयोगले जानकारी दिएको छ ।  आयोगका प्रवक्ता  शालिग्राम शर्मा पौडेलका अनुसार निर्वाचनका लागि नेपाल सरकारबाट ८ अर्ब ११ करोड निकासा भएको थियो ।

जसमा ५ अर्ब ४ करोड ३ लाख ९२ हजार ७६७ रुपैयाँ खर्च भएको उनले जानकारी दिए । उनले विनियोजितमध्ये निर्वाचन आयोगको केन्द्रीय कार्यालयले १ अर्ब २ करोड ४३ लाख १२ हजार १२९ रुपैयाँ खर्च गरेको बताए ।

त्यस्तै, देशभरका ७५३ वटै मुख्य निर्वाचन अधिकृत तथा अधिकृतको कार्यालयबाट ३ अर्ब ५४ करोड १२ लाख ७३ हजार ६१७ खर्च भएको छ ।

पौडेलका अनुसार देशभरका ७७ वटै निर्वाचन कार्यालयले ४१ करोड ३३ लाख ०७ हजार ३१ रुपैयाँ खर्च गरेका छन् । गृहमन्त्रालयले मतपेटिका ढुवानीका क्रममा ४ करोड ५० लाख रुपैयाँ खर्च गरेको पौडेलले पत्रकार सम्मेलनमा बताए ।

निर्वाचनका क्रममा सञ्चार तथा सूचना प्रविधि मन्त्रालयले मिडिया अनुगमनका नाममा १ करोड ४५ लाख खर्च गरेको छ । यी सबै जोड्दा ५ अर्ब ४ करोड ३ लाख ९२ हजार ७६७ रुपैयाँ वैशाख ३० गतेको निर्वाचनमा खर्च भएको पौडेलको भनाई छ । आयोगले निर्वाचनका लागि सरकारसँग ८ अर्ब रुपैयाँ मागेको थियो । जसमध्ये खर्च नभएको ३ अर्ब ६ लाख ९६ जजार ७ सय २४ रुपैयाँ राज्यकोषमै फिर्ता गरिएको उनले बताए ।

यस्तै, आयोगले सरकारले व्यवस्था गरिदिए विद्युतीय मेसिनबाट मतदान गराउने भएको छ । पत्रकार सम्मेलनमा बोल्दै आयोगका प्रमुख निर्वाचन आयुक्त थपलियाले यसबारे सरकारलाई जानकारी गराइसकेको बताए ।

विद्युतीय मेसिनबाट मतदान गराउने कुरा नेपाली उखान आकाशको फल आँखा तरी मर भन्ने जस्तै हुने खतरा रहेको उनले उल्लेख गरे । यस्तै निर्वाचन आचारसंहिता उल्लंघनको घटनामा आयोगलाई सहयोग गर्नपनि आग्रह पनि उनले आग्रह गरे ।

प्रतिक्रिया सबै