१ बैशाख २०८१, शनिबार Saturday 13 April, 2024

कंगोमा शान्ति सेनामाथि आक्रमण, २ जना भारतीय सैनिकसहित तीनको मृत्यु

 बुधबार, साउन ११ २०७९  

काठमाडौं । कंगोमा संयुक्त राष्ट्रसंघविरूद्ध प्रदर्शन गरिरहेकाहरूले शान्ति सेनाको क्याम्पमा समेत आक्रमण गरेका छन् । कंगोको उत्तरी क्षेत्रमा पर्ने किभु प्रान्तमा रहेको क्याम्पमा मंगलबार प्रदर्शनकारीहरूले आक्रमण गरेका हुन् ।

सेनाका प्रवक्ता नारायण सिलवालका अनुसार त्यहाँ रहेका नेपाली सैनिक भने सुरक्षित रहेको छ । उनले भनेका छन्- ‘हामी त्यहाँ रहेका नेपाली सैनिकसँग नियमित सम्पर्कमै छौँ । त्यहाँको घटनालाई नजिकबाट नियालिरहेका छौँ । उहाँहरू सुरक्षित रहेको जानकारी पाएका छौं ।’

आक्रमणमा दुई जना भारतीयसहित तीन शान्ति सैनिकको मृत्यु भएको छ । भारतीय विदेशमन्त्री एस जयशंकरले ट्वीटमार्फत् आफ्ना सैनिक मारिएकोमा दुःख व्यक्त गरेका छन् ।

‘आक्रमणबाट दुई जना भारतीय सैनिकको मृत्यु भएको समाचारप्रति निकै दुस्खी छु। आक्रमणकारीलाई न्यायिक कठघरामा उभ्याउनैपर्छ,’ उनले भनेका छन् ।

शान्छि सैनिकमाथिको आक्रमणलाई राष्ट्रसंघले युद्ध अपराध भनेको छ । राष्ट्रसंघका महासचिव एन्टोनियो गुटेरसले भनेका छन्— ‘शान्ति सेना माथिको आक्रमण युद्ध अपराध हो ।’

प्रतिक्रिया सबै