९ आश्विन २०७९, आईतवार Sunday 25 September, 2022

जंगली च्याउ खाँदा सल्यानमा एकै परिवारका ३ जना बिरामी

 सोमवार, साउन १६ २०७९  

काठमाडौं । सल्यानमा जंगली च्याउ खाँदा एकै घरका तीन जना बिरामी परेका छन् । आइतबार साँझ सिद्ध कुमाख गाँउपालिका-५ माझखर्क बस्ने मन बहादुर रोकाको घर नजिकै जंगलबाट ल्याएको च्याउ खाएर उनको परिवारका तीन जना बिरामी परेको प्रहरीले बताएको छ ।

प्रदेश प्रहरी कार्यालयका सूचना अधिकारी हिराबहादुर पाण्डेका अनुसार मनबहादुरकी श्रीमती केउली रोका, आमा देबी रोका र बुवा गोपी रोका बिरामी भएका हुन् । उनीहरुको जिल्ला अस्पताल सल्यानमा उपचार भइरहेको छ ।

केउली रोकाको अवस्था गम्भीर रहेकोले थप उपचारको लागि नेपालगञ्ज रिफर गरिएको प्रहरीले बताएको छ ।

प्रतिक्रिया सबै