११ जेष्ठ २०८१, शुक्रबार Friday 24 May, 2024

चिनियाँ नागरिक अपहरण गरेको आरोपमा ६ नेपाली पक्राउ

 बिहिबार, साउन १९ २०७९  

काठमाडौं । काठमाडौंको लैनचौरबाट १ जना चिनियाँ नागरिकलाई अपहरण गरेको आरोपमा ६ जना नेपाली पक्राउ परेका छन् । बुधबार राति चिनियाँ नागरिकलाई लैनचौरबाट अपहरण गरेर गोंगबुमा बन्धक बनाएर राखेको आरोपमा ६ नेपाली पक्राउ परेका हुन् ।

अपहरण गरी बन्धक बनाइएका चिनियाँको उद्दार गर्नुका साथै संलग्न भएको आरोपमा ६ जनालाई पक्राउ गरिएको जिल्ला प्रहरी परिसर काठमाडौंले जानकारी दिएको छ ।

साथ ३ जना चिनियाँ नागरिकबाट ८ लाख रुपैयाँ र २७ थान मोबाइल समेत लुटिएको प्रहरीले दाबी गरेको छ । अपहरणमा परेका चिनियाँसँग एक करोड फिरौती समेत माग गरिएको प्रहरीले जनाएको छ ।

पछि ५० लाख रुपैयाँमा अपहरण मुक्त गर्ने सहमति भएपछि प्रहरीले उनीहरूलाई पक्राउ गरेको हो । अपहरणमा संलग्न भएका अन्य केही व्यक्ति फरार रहेका बताइएको छ । प्रहरीले उनीहरूको खोजी गरिरहेको छ ।

प्रतिक्रिया सबै