९ आश्विन २०७९, आईतवार Sunday 25 September, 2022

प्रतिनिधि सभाको बैठक बस्दै ,बीमा विधेयक र यातायात व्यवस्थापन विधेयक पारित गरिने

 आइतवार, साउन २९ २०७९  

काठमाडौँ । दर्ता भएको चार वर्षपछि बीमा विधेयक पारित हुने भएको छ।

२०७५ असार २७ गते दर्ता भएको विधेयक आज बस्ने प्रतिनिधिसभाको बैठकले पारित गर्ने सम्भावित कार्यसूची छ।

संसद् सचिवालयले सार्वजनिक गरेको कार्यसूचीमा बिहान ११ बजे बस्ने बैठकमा अर्थ समितिको प्रतिवेदनसहितको बीमा विधेयक २०७५ र सार्वजनिक ऋण व्यवस्थापन विधेयक २०७६ माथि छलफल गरी पारित गरिने उल्लेख छ।

बैठकमा यातायातमन्त्री मोहम्मद इस्तियाक राईले शहरी क्षेत्र सार्वजनिक यातायात व्यवस्थापन प्राधिकरण विधेयक २०७६ लाई पारित गरियोस् भन्ने प्रस्ताव पेश गर्नेछन्।

साथै काठमाडौँ उपत्यका सार्वजनिक यातायात व्यवस्थापन प्राधिकरण विधेयक २०७६, स्टाण्डर्ड नाप र तौल (पाँचौ संशोधन) विधेयक २०७८ र प्रत्यायन विधेयक माथि प्राप्त संशोधनहरुलाई निर्णयार्थ प्रस्तुत गरिने सम्भावित कार्यसूची तय भएको छ।

हेर्नुहोस् कार्यसूची

प्रतिक्रिया सबै