२९ जेष्ठ २०८१, मंगलवार Tuesday 11 June, 2024

सेयर बजारमा ७.२४ अंकको गिरावट

 सोमवार, भदौ ६ २०७९  

काठमाडौं । सोमबार पनि सेयर बजारमा एकल अंकको गिरावट भएको छ । आइतबार ७.७२ अंकले गिरावट भएको नेप्से सोमबार पनि घटेको छ ।

सोमबार बजार परिसूचक नेप्से ७.२४ अंक (०.३५ प्रतिशत) ले गिरावट हुँदा २०५३.३० अंकमा बन्द भएको हो । सोमबार म्युचुअल फण्ड बाहेक सबै उपसूचकमा गिरावट आएको हो ।

आइतबार २ अर्ब ४ करोड ७० लाख ९४ हजारको कारोबार भएकोमा सोमबार कारोबार रकम २ अर्बबाट तल झरेको छ ।

नेप्सेमा सोमबार ५२ लाख ३० हजार ७६३ कित्ता सेयर किनबेच भएको छ भने १ अर्ब ७२ करोड ६२ लाख ८७ हजारको कारोबार भएको छ । जसमध्ये हिमाल दोलखा हाइड्रोपावरको २८ करोड १८ लाख ७१ हजारको कारोबार हुँदा रिडी हाइड्रोपावरको ८ करोड ५० लाख ३६ हजारको कारोबार भएको छ ।

दिनभर बजारमा १८७ कम्पनीको सेयर कारोबार भएकोमा १२४ कम्पनीको सेयरमूल्यमा गिरावट भएको छ । त्यस्तै ४७ कम्पनीको सेयरमूल्य वृद्धि हुँदा १६ कम्पनीको सेयरमूल्य भने स्थिर छ ।

आइतबार कारोबार भएका मध्य अपर हेवाखोला जलविद्युत् कम्पनीको सेयरमूल्य १० प्रतिशत र मन्दाकिनी हाइड्रोपावरको सेयरमूल्य ९।९७ प्रतिशतले बढेर सर्किट लेभलमा बन्द भएको छ ।

सिटिजन्स म्युचुअल फण्ड १ को इकाइ मूल्य ७.२२ प्रतिशतले बढेको छ । यता एनआईबीएल समृद्धि फण्ड २ को इकाइ मूल्य ६.७५ प्रतिशतले गिरावट भएको छ । दोर्दी खोला जलविद्युत् कम्पनी सेयरमूल्य ५.१९ प्रतिशत र श्वेतगंगा हाइड्रोपावर एण्ड कन्स्ट्रक्सन कम्पनीको सेयरमूल्य ४.१५ प्रतिशतले गिरावट भएको छ ।

प्रतिक्रिया सबै