६ असार २०८१, बुधबार Wednesday 19 June, 2024

चीनले भारतीय विद्यार्थीलाई भिसा जारी गर्ने

 मङ्लबार, भदौ ७ २०७९  

बेइजिङ । चीनले सोमबार बेइजिङको कडा कोभिड प्रतिबन्धका कारण दुई वर्षदेखि घरमा फसेका सयौं भारतीय विद्यार्थीलाई भिसा जारी गर्ने योजनाको घोषणा गरेको छ।

साथै भारतीयहरूलाई व्यापार भिसासहित विभिन्न प्रकारका यात्रा अनुमतिका योजना पनि सार्वजनिक गरेको छ।

‘भारतीय विद्यार्थीलाई हार्दिक बधाई। तपाईंको धैर्य सार्थक साबित भयो। म साँच्चै तपाईंको उत्साह र खुशी बाँड्न सक्छु। चीनमा फेरि स्वागत छ’, चीनको परराष्ट्र मन्त्रालयको एसियाली मामिला विभागका काउन्सिलर जी रोङले ट्वीट गरेकी छिन्।

उनको ट्वीटले नयाँ दिल्लीस्थित चिनियाँ दूतावासले विद्यार्थी, व्यवसायी र चीनमा काम गर्ने परिवारका लागि भिसा खोल्ने घोषणा गरेको विस्तृत घोषणालाई उद्धृत गरेको छ।

प्रतिक्रिया सबै