९ श्रावण २०८१, बुधबार Wednesday 24 July, 2024

संरक्षकबाटै संविधान खुलेआम मिचियो, परास्त गर्नुपर्छ : प्रचण्ड

 शुक्रबार, अशोज ७ २०७९  

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले संविधानको पालक र संरक्षकबाट जानीबुझी संविधान खुलेआम मिच्ने काम भएको बताएका छन् ।

पार्टीनिकट किसान महासंघको भेलालाई सम्बोधन गर्दै प्रचण्डले संविधान उल्ट्याउन पटकपटक जमर्को भइरहेको र अहिले पनि परिवर्न पक्षधर र विरोधीबीचमा पेचिलो संघर्ष चलिरहेको बताए ।

पछिल्लोपटक टीआरसी विधेयक असफल पार्ने कसरत र नागरिकता विधेयक प्रमाणीकरण नगर्नुले त्यो देखाएको दाबी गर्दै प्रचण्डले भने— ‘कुरा धेरै नै गहिरो छ । गत सालदेखिको प्रतिगमको षड्यन्त्र नयाँनयाँ रूपमा फेरि अगाडि ल्याउने जमर्को भइरहेको छ । हामीले एकता गुमायौं भने । कुनै दिनमा प्रतिगमन हुने अझै खतरा छ । संविधानको पालक र संरक्षकबाट जानीबुझी संविधान खुलेआम मिच्ने काम भएको छ । यो सामान्य होइन । हजारौंको बलिदानबाट प्राप्त उपलब्धि खोस्ने र अपहरणको षड्यन्त्र हो । यसलाई रोक्न अरु कसैले सक्दैन । गत साल लाखौंलाई सडकमा ल्याएपछि मात्र त्यो परास्त गर्‍यौं । अहिले पनि किसान, सुकुम्बासी, जनतालाई अगाडि बढाएर शिक्षित गर्दै आन्दोलित गरेर त्यसलाई परास्त गर्न सकिन्छ ।’

प्रतिगमन शक्तिहरू सबै एक भएर लागिरहेको दाबी गर्दै प्रचण्डले आफूमाथि निरन्तर प्रहार भइरहेको बताए । ‘माओवादीविरुद्ध सामाजिक सञ्जालमा भ्रम छर्ने काम प्रष्ट देखिरहेको छ । एकथरि मान्छे बसेर रातदिन धुप हालिरहेका छन् प्रचण्ड सकियोस् भनेर । जसले परिवर्तनको नेतृत्व गर्‍यो त्यसैमाथि किन प्रहार भइरहेको छ ?’, उनले भने-‘काल्पनिक र कपोकल्पित आरोप लगाइन्छ । अस्ति म भारत जाँदा थाहा पाइहाल्नुभो भेट्दै नभेटेका मान्छे भेट्यो यति बुँदे सम्झौता गरियो भनेर लगातार कुप्रचार गर्ने गरिएको छ ।’

यस्तै प्रचण्डले वामपन्थीको एकता अहिले पनि आवशयक रहेको बताए । ‘देशी—विदेशी प्रतिक्रियावादी शक्तिहरूले वामपन्थीको एकता अहिले पनि आवश्यक फेरि नयाँ शिराबाट वामपन्थीलाई नजिक ल्याउने दिशामा छौं’

प्रतिक्रिया सबै