९ श्रावण २०८१, बुधबार Wednesday 24 July, 2024

सन्दीप लामिछानेविरुद्ध इन्टरपोलको डिफ्युजन नोटिस जारी, १३५ देशले सन्दीपको खोजी गर्ने

 सोमवार, अशोज १० २०७९  

काठमाडौं । नेपाली क्रिकेटर सन्दीप लामिछानेविरुद्ध अन्तर्राष्ट्रिय प्रहरी संगठन इन्टरपोलले डिफ्युजन नोटिस जारी गरेको छ ।

प्रहरी प्रधान कार्यालय स्रोतका अनुसार इन्टरपोलले नेपाल प्रहरीको आग्रह अनुसार सन्दीपविरुद्ध डिफ्युजन नोटिस जारी गरेको हो ।

एक प्रहरी अधिकारीका अनुसार डिफ्युजन नोटिस जारी गरेपछि इन्टरपोलमा आवद्ध रहेका १३५ देशले आफ्नो देशमा सन्दीप भए नभएको खोजी गर्नेछन् । आफ्नो देशमा रहेको पत्ता लागेमा नेपाल पठाउने प्रक्रिया सुरु गरिनेछ ।

सन्दीपमाथि एक किशोरीले बलात्कारको आरोपमा प्रहरीमा जाहेरी दिएकी छन् । आफूविरुद्ध उजुरी पर्दा क्यारेबियनल लिग खेल्न नेपालबाहिर रहेका सन्दीप हालसम्म स्वदेश फर्किएका छैनन् । उनी कहाँ छन् भन्नेसमेत पत्ता लगाउन सकेको छैन । प्रहरी प्रवक्ता टेकप्रसाद राईले सन्दीपको खोजी गर्ने सबै प्रक्रिया अपनाएको बताएका छ्न ।

प्रतिक्रिया सबै