३० असार २०८१, शनिबार Saturday 13 July, 2024

नेपालले ५ मुलुकलाई बेच्यो ४८ हजार किलो अचार

 आइतवार, अशोज १६ २०७९  

काठमाडौं । चालु आर्थिक वर्षको दुई महिनामा नेपालले पाँच मुलुकलाई ४८ हजार किलोभन्दा धेरै तयारी अचार बिक्री गरेको छ ।

घरेलु उद्योगमा बनेको विभिन्न प्रकारका अचार अष्ट्रेलिया, इटाली, दक्षिण कोरिया र अमेरिका निर्यात भएको कृषि तथा पशुपन्छी विकास मन्त्रालयले जनाएको छ । नेपालबाट मुला, मासु, टिम्मुर, मिक्स भेजिटेबल लागयतका परिकारबाट बनाइएको अचार धेरै बिक्री हुने गरेको छ ।

साउन र भदौमा ४८ हजार ८९२ किलो अचार बिक्रीबाट नेपालले २ करोड ७१ लाख ८४ हजार रुपैयाँ नगरद आर्जन गरेको छ । जुन गत वर्षको वार्षिक अचार कारोबार बराबर हो ।

आर्थिक वर्ष २०७८/०७९ मा नेपालबाट ५९ हजार ९८४ किलो अचार निर्यात भएको थियो । उक्त निर्यातबाट नेपालले ३ करोड ८६ लाख ६४ हजार रुपैयाँ आर्जन गरेको थियो ।

चालु आवको २ महिनामा नेपालले एक करोड ३८ लाख ९ हजार रुपैयाँको २२ हजार ४४० किलो, दक्षिण कोरियामा १४ लाख ४६ हजार रुपैयाँको ५ हजार २४३ किलो, इटालीमा ८७ लाख ३९ हजारको १७ हजार ४६४ किलो र अष्ट्रेलियमा ३१ लाख ९० हजार रुपैयाँको ३ हजार ७८४४ किलो अचार निर्यात गरेको छ । गत वर्ष जापान, क्यानडा र बेल्जिियममा पनि नेपालबाट अचार निर्यात भएको थियो ।

प्रतिक्रिया सबै