६ असार २०८१, बुधबार Wednesday 19 June, 2024

परराष्ट्रमन्त्रीसँग चिनियाँ राजदूतको बिदाइ भेट

 मङ्लबार, अशोज २५ २०७९  

काठमाडौं । परराष्ट्रमन्त्री डा.नारायण खड्कासँग नेपालका लागि चिनियाँ राजदूत होउ यान्छीले बिदाइ भेट गरेकी छन् ।

सिंहदरबारस्थित मन्त्री खड्काको कार्यकक्षमा मंगलबार अर्को महिना चीन फर्किने तयारीमा रहेकी राजदूत यान्छीले भेट गरेकी हुन् ।

परराष्ट्र मन्त्रालयका अनुसार भेटमा द्विपक्षीय चासोका विषयमा छलफल भएको थियो । उनले यसअघि परराष्ट्र सचिव भरतराज पौड्यालसँग पनि बिदाइ भेट गरेकी हुन् ।

आफ्नो चार वर्षे कार्यकाल पूरा गरी स्वदेश फर्किन लागेकी राजदूत यान्छीलाई चीनले यसपछि दक्षिण पूर्व एसियाली राष्ट्रहरूको संगठन एसोसिएसन अफ साउथ इस्ट एसिएन नेसन्स (आसियान) क्षेत्रको राजदूतको रुपमा पठाउन लागेको बताइएको छ ।

उनी सन् २०१८ डिसेम्बरमा नेपालका लागि चिनियाँ राजदूत बनेर आएकी थिइन् । राजदूत यान्छीको चार वर्षे कार्यकालमा दुई देशबीच उच्चस्तरीय भ्रमणहरू हुनुका साथै दुई देशबीच महत्वपूर्ण क्षेत्रमा सहकार्य पनि भएको छ ।

प्रतिक्रिया सबै