६ असार २०८१, बुधबार Wednesday 19 June, 2024

निर्वाचन बिथोल्ने अधिकार कसैलाई छैन : गृहमन्त्री

 बुधबार, कार्तिक १६ २०७९  

काठमाडौं । गृहमन्त्री बालकृष्ण खाणले निर्वाचन बिथोल्ने अधिकार कसैलाई नभएको बताएकबा छन् । वुधबार बुटवलमा आयोजित लुम्बिनी प्रदेशस्तरीय सुरक्षा बैठकलाई सम्बोधन गर्दै उनले निर्वाचन बिथोल्ने अधिकार कसैलाई नभएको बताएका हुन् ।

विप्लवको माओवादीको हालै सम्पन्न महाधिवेशनबाट आगामी निर्वाचन वहिष्कार गर्ने अभियान चलाउने घोषणा गरेपछि गृहन्त्री खाँणको यस्तो बताएका हुन् ।

वर्तमान व्यवस्थाप्रति केही असन्तुष्टि जाहेर गर्दै मूलधारको राजनीतिभन्दा बाहिर रहेका दललाई पनि राष्ट्रिय राजनीतिको मूलधारमा ल्याउन सरकारले पहल गरिरहेको उनको भनाई छ । सबैको साझा प्रयत्नमा आगामी निर्वाचन शान्तिपूर्ण रुपमा सम्पन्न हुने उनले बताए ।

स्थानीय तहको निर्वाचन सम्पन्न गर्न सबैको सहयोग रहेकाले आगामी निर्वाचन पनि सबैका सहयोगमा शान्तिपूर्ण हुने गहृमन्त्री खाँणले बताए । उनले नागरिकको जीवन रक्षा गर्नु सरकारको पहिलो दायित्व भएको जनाउँदै नागरिकको सुरक्षा र सम्पत्तिको रक्षाका लागि सरकार सधैँ प्रतिबद्ध रहेको उल्लेख गरे ।

नागरिकको जीवन र सम्पत्तिको रक्षा गर्ने कार्यमा सुरक्षा निकायले २४ सै घण्टा खटेर महत्वपूर्ण भूमिका निर्वाह गरेको जनाउँदै उनले नेपाली सेना, नेपाल प्रहरी, सशस्त्र प्रहरी बल नेपाल र राष्ट्रिय अनुसन्धान विभागलाई धन्यवाद पनि दिए ।

प्रतिक्रिया सबै