११ बैशाख २०८१, मंगलवार Tuesday 23 April, 2024

भारतीय र चिनियाँ सैनिकबीच झडप, १५ जना भारतीय सैनिक घाइते

 मङ्लबार, मंसिर २७ २०७९  

काठमाडौं । भारतको अरुणाचल प्रदेशको तवाङ क्षेत्रमा भारतीय र चिनियाँ सैनिकबीच झडप भएको छ । गएको शुक्रबार त्यहाँ भारतीय र चिनियाँ सैनिकबीच झडप भएको हो ।

बीबीसी हिन्दीका अनुसार क्रडपका क्रममा दुवै पक्षका केही सैनिक घाइते भएका छन् । शुक्रबार भएको हिंसात्मक झडपमा हालसम्म १२ देखि १५ भारतीय सैनिक घाइते भएको भारतीय सेनाले जनाएको छ ।

अंग्रेजी पत्रिका द टेलिग्राफमा प्रकाशित समाचारका अनुसार रक्षा मन्त्रालयसँग सम्बन्धित एक स्रोतले सो झडपमा भारतीयभन्दा चिनियाँ सैनिक बढी घाइते भएका दाबी गरेका छन् ।

चिनियाँ सैनिकले सीमा पार गरेर भारत प्रवेश गर्न खोज्दा भारतीय सेनाले रोक्न खोजेका थिए । त्यसपछि दुवै पक्षबीच झडप भएको जनाइएको छ ।

पहिले दुई पक्षबीच झडप र त्यसपछि ढुंगा हानाहान भएको स्रोतलाई उल्लेख गर्दै द टेलिग्राफले जनाएको छ । झडपमा चिनियाँ सैनिकले किला ठोकिएको लाठीको प्रयोग गरेका थिए ।

प्रतिक्रिया सबै