६ जेष्ठ २०८१, आईतवार Sunday 19 May, 2024

एकीकृत समाजवादीका अधिकांश नेता प्रधानमन्त्री प्रचण्डलाई समर्थन गर्ने पक्षमा

 आइतवार, पुस १७ २०७९  

काठमाडौं । नेकपा एकीकृत समाजवादीका उपमहासचिव गंगालाल तुलाधरले पार्टीमा अधिकांश नेताहरूको धारणा पुष्पकमल दाहाल ‘प्रचण्ड’ नेतृत्वको सरकारलाई समर्थन गर्नुपर्ने आएको बताएका छन् ।

शनिबाबाट सुरु स्थायी कमिटीको बैठकपछि उनले गठबन्धन, सरकार र पार्टी एकताको विषयमा छलफल भइरहेको बताए । ‘हामीले पार्टी पुनर्गठन महाअभियान थाल्ने तयारी गरेका छौँ । नेताहरूले आ-आफ्नो धारणा राखिराख्नुभएको छ’, उनले भने । प्रधानमन्त्री प्रचण्डले अनौपचारिक प्रस्ताव आएपछि औपचारिक रूपमा नआएसम्म जान नहुने निष्कर्ष आएको बताए ।

पार्टी एकताको विषयमा एमालेको केही नेताहरूले मात्रै हल्ला चलाएको उनको भनाई छ । एकताको लागि माओवादी र जसपाको नेताहरूसँग कुरा भइरहेको उनीहरूको भनाइ छ । ‘हामीले कुनै एकतको प्रयास गरेका छैनौँ । केही नेताहरूले भ्रम छर्न खोजेका छन्’, उनले भने ।

वृहत्तर वाम एकताको पहल गर्ने पक्षमा भएपनि कुनै एक पार्टीसँग एकता गर्ने भन्ने कुरानभएको उनले बताए । माधव नेपाललाई एमालेले अहिले नै राष्ट्रपति बनाउन प्रस्ताव गरेको भन्ने कुरा सत्य नभएको पनि उनले बताए ।

प्रतिक्रिया सबै