नाकामा रोकिएका पेट्रोलियम ट्याङकर आज नेपाल भित्रिदैं
सोमवार, जेष्ठ ३० २०७९
![](https://skynepalnews.com/wp-content/uploads/2022/06/nepal-aayal-nigam-768x352.jpg)
काठमाडौं । तीन दिनदेखि सीमापारि रोकिएका पेट्रोलियम पदार्थ बोकेका ट्याङकर आज नेपाल आउने भएका छन् ।
भारतीय भन्सार कार्यालयले प्रयोग गर्दै आएको सिस्टम अपडेट समयमै नगर्दा नेपाल आउने पेट्रोलियम पदार्थको आयात शनिबारदेखि रोकिएको थियो । भारतीय भन्सार कार्यालयले एडी कोड प्रविष्ट गरेर मात्रै निर्यात दिने व्यवस्था अनिवार्य गरेपछि नेपालका लागि ल्याइएको पेट्रोलियम पदार्थ सीमामा रोकिएको नेपाल आयल निगमको बताएको छ ।
भारतीय भन्सारले नै सिस्टम अपडेट नगरिदिँदा शुक्रबारदेखि नेपालमा कुनै पनि पेट्रोलियम ट्याङकर आउन नसकेको र आज कार्यालय खुलेपछि केही समयमा आउने नेपाल आयल निगम भलबारी डिपोका प्रमुख नवविनोद पोखरेलले बताएका छन् ।
भैरहवा भन्सार हुँदै दैनिक ४०-५० वटा टयाङकर आउने गरेकोमा शनिबार र आइतबार कुनै पनि नआएको भैरहवा भन्सार कार्यालयले जानकारी दिएको छ ।
प्रतिक्रिया
सबै