काठमाडौं । स्कटल्याण्डकी २२ वर्षीया युवतीले अनौठो जागिर पाएकी छन् । काममा उनले हरेक दिन पोर्न हेर्नुपर्ने छ । उनले पोर्न हेरेपछि यसबारे अनुसन्धान गर्नुपर्नेछ र कम्पनीलाई राम्रो पोर्न बनाउनका लागि सल्लाह सुझावसमेत दिनुपर्नेछ ।

युवतीलाई हरेक घण्टा २० डलर (२५ सय रुपैयाँ) भुक्तानी गरिनेछ । यी महिलाले पोर्न साइट बेड–बाइबिलका लागि काम गर्नेछिन् । कम्पनीको आधिकारिक ट्वीटर ह्यान्डलबाट यसबारे जानकारी दिइएको छ ।

यो जागिरका लागि ९० हजारले आवेदन दिएका छन्

बेड—बाइबलमा पोर्न रिसर्च हेडको पदका लागि ९० हजारभन्दा बढीले आवेदन दिएका छन् । यसका लागि संसारभरबाट आवेदनहरू आएका थिए । तीमध्ये २२ वर्षीया रेबेका डिक्सन पनि एक थिइन् । अत्यधिक प्रतिस्पर्धापश्चात् यो कामका लागि रेबेका छनोट भएकी हुन् । सुरुमा उनलाई बेडबाइबलमा सबैभन्दा धेरै पटक हेरिएका १०० वटा पोर्न हेर्नका लागि दिइन्छ ।

रेबेकाले भनिन्, ‘यो संसारको सबैभन्दा राम्रो काम’

‘न्यूयोर्क पोस्ट’ ले रेबेकाको अन्तरवार्ता लिएको छ । जसमा रेबेकाले पोर्न रिसर्च हेडको कामलाई विश्वकै उत्कृष्ट काम भनेकी छन् । उनले यसबारे कुरा गर्दै भनिन्, ‘म खुल्ला विचारकी केटी हुँ, केही नयाँ काम गर्नका लागि मलाई कुनै आपत्ति छैन । यो भिन्न प्रकारको काम हो । यसका विभिन्न चुनौतीका लागि तयार छु ।’

सेक्स पोजिसन र आवाजलाई पनि ध्यान दिनुपर्नेछ

कामका बेला रेबेकाले पोर्न भिडियोलाई निकै सुक्ष्म ढङ्गले केलाउनुपर्नेछ । उनले पोर्नको आवाज र त्यसमा काम गर्ने महिला र पुरुषको आँकडा पनि जम्मा गर्नुपर्नेछ । साथै उनले सेक्स पोजिसनबारे पनि जानकारी जम्मा गरेर त्यसबारे रिपोर्ट लेख्नुपर्नेछ ।

Congratulations Rebecca Dickson and welcome to the BedBible family! Rebecca beat out 90,000 applicants to become our Head of Porn Research and she’s already doing an amazing job! Thanks to all who applied! #porn #Jobs #hired #BedBible https://t.co/tGQOG2O3tk

— BedBible (@BedBible) May 18, 2022