zoom client windows download download zoom client us zoom pc nasıl indirilir - zoom pc nasıl indirilir zoom cloud meetings free download for laptop zoom it software free download free download zoom meeting 2021 zoom para pc online install zoom app for windows 10
२९ श्रावण २०७९, आईतवार Sunday 14 August, 2022

नागरिकता विधेयकबारे गगन थापाले गराए गृहमन्त्रीको ध्यानाकर्षण

 बिहिबार, असार ३० २०७९  

काठमाडौं । नेपाली काँग्रेसका महामन्त्री तथा सांसद गगन थापाले प्रतिनिधिमा प्रस्तुत नागरिकता सम्बन्धी विधेयक सच्याउन सरकारलाई आग्रह गरेका छन् । नेता थापाले विधेयकमा राखिएको आमाको नामबाट नागरिकता पाउने मुल कानुनमा भएको व्यवस्था भन्दापनि संकुचित रहेको भन्दै गृहमन्त्रीको ध्यानाकर्षण गराएका हुन् ।

‘बाबु पत्ता नलागेको आमाको सन्तानबारे जुन मुल ऐनको दफा ८ संसोधन छ, यसमा अलि ध्यान पुगेको छैन । बाबुको पुष्टाइँ गर्नुपर्ने व्यवस्थाले आमालाई झन्झट भयो भनेर त्यसलाई हटाउन खोजिरहेका बेला झन् अहिले त निज र निजको आमाले गरेको स्वघोषणाको आधारमा भन्दा त एकल आमाका सन्तानले नागरिकता पाउँदैनन् । झन् ठूलो अप्ठेरोमा पर्छ । त्यसकारण यसलाई सच्याइनुपर्छ’, उनले भने ।

उनले आमाले गरेको स्वघोषणाका आधारमा बाबु पत्ता नलागेकालाई नागरिकता दिने व्यवस्था गर्नुपर्ने बताए । उनले भने- ‘महिलाले विदेशी पुरुषसँग बिहे गरेको छ उसले आफ्ना सन्तानलाई आफ्नो नामबाट नागरिकता दिन्न भन्यो त्यस्तो अवस्थामा के गर्ने रु त्यसको बारेमा पनि यो विधेयकले बोल्दैन । लैङ्गिक समानताको आधारमा पनि व्यवस्था हुन आवश्यक छ ।’

उनले बैबाहिक अंगीकृतको बिषयमा राजा वीरेन्द्रको पालादेखि २०७२ सालसम्म एउटै व्यवस्था रहेको पनि बताए । सांसद थापाले संविधान बनाउने बेलादेखि लामो समय कानुन बनाउन नसक्दा लाखौँ मानिसहरु नागरिकता पाउनबाट बञ्चित रहेको उल्लेख गरे ।

‘यो सुल्टो बाटोबाट आउनुपथ्र्यो, समितिमा पनि त्यति धेरै छलफल भयो, त्यही बाटो आएको भए उपयुक्त हुन्थ्यो । सहमति चाहेजस्तो बन्न नसकेको हुँदा यो बाटो आयो होला भन्ने ठान्छु । हामीले सहमति गर्न नसकेको मूल्य ति नागरिकहरुले चुकाउनु परिरहेको छ । यहाँबाट यो बिधेयक पास भएपछि उनीहरुले नागरिकता पाउँछन्’, उनले भने । जन्म सिद्धका आधारमा नागरिकता पाइसकेकाहरुका सन्तानले वंशजको नागरिकता पाउने उनले बताए ।

प्रतिक्रिया सबै