zoom app compromised download zoom zoom zoom download zoom transition premiere pro download zoom recorder to pc free zoom download on pc zoom download for pc 64 bit
२३ श्रावण २०७९, सोमबार Monday 8 August, 2022

मण्डलामा मानव सभ्यताको कथा ‘खुवालुङ’ मञ्चन

 शुक्रबार, साउन ६ २०७९  

काठमाडौं । मण्डला थिएटरमा शुक्रबारदेखि ‘खुवालुङ’ नाटकको मञ्चन भइरहेको छ । राजन मुकारुङाले लेखेको नाटकलाई किरण चाम्लिङ राइले निर्देशन गरेका हुन् ।

हालको दूधकोशी, अरुण र तमोर नदीको संगमस्थल त्रिवेणीको जलाशयमा अवस्थित विशाल ढुङ्गालाई मुन्दुमी मान्यता र विश्वासमा खुवालुङको रुपमा मान्ने गरिएको छ ।


खुवालुङलाई साक्षी राखेर त्रिवेणीमा मिसिएका नदिहरुको मुल मुहान पछ्याउँदै जाने क्रममा विकास मानव सभ्यताको कथा नै खुवालुङको कथा भएको नाटकको निर्माण पक्षको भनाई छ ।

सांस्कृतिक आन्दोलनको निरन्तरताका लागि नाटक कलाकामार्फत् भन्नु, कहनुपर्छ भन्ने जिम्मेवारी महशुस गरिएर यो नाटक लेखिएको नाटकका लेखक मुकारुङले बताए ।

‘खुवालुङका बारे मुन्दुमि, तायामि अग्रज नाक्छोङ, बिजुवा, पुर्खाहरुबाट आफूले सुनेका र कतिपय प्राप्त संकलित, प्रकाशित कथा, कहानीहरुका आधारमा ‘साझा मान्यता’लाई मात्रै नाटकमा लेखिएको छ । मिथकमाथि सिर्जनात्मकता थप्ने प्रयास गरिएको छ’, उनले भनेका छन् ।

यस्तै, खुवालुङ एउटा ढुंगा मात्रै नभएर यसका प्राकृतिक, भौगोलिक, ऐतिहासिक र सांस्कृतिक महत्वहरु भएकाले त्यसलाई नाटकमा उतार्ने जमर्को गरिएको नाटकका निर्देशक चाम्लिङले बताए ।


नाटकमा पशुपति राई, मानहाङ लावती, इंगि होपो कोइच सुनुवार, समयोग गुरागाईं, सविना थापा, प्रसम्शा सिवाकोटी, बेदना राई, रियर राई, रमिला मोक्तानलगायतका कलाकारको अभिनय छ ।

नाटकमा प्रयोग भएका दुई गीतहरुको रचना स्वप्निल स्मृति र राजन मुकारुङले गरेका छन् । शुक्रबारबाट मञ्चन भएको नाटक साउन २९ गतेसम्म चल्ने निर्माण पक्षले जनाएको छ ।

 

 

 

प्रतिक्रिया सबै