can u use zoom on laptop - can u use zoom on laptop zoom software download windows 10 zoom 5.5.2 download zoom spanish download zoom cloud meeting for pc free download download zoom transition premiere pro skype zoom download join a zoom meeting with password
१३ मंसिर २०७९, मंगलवार Tuesday 29 November, 2022

दशैंमा कस्तो माछा मासु स्वास्थ्यका लागि उपयुक्त ?

 बिहिबार, अशोज १३ २०७९  

काठमाडौं । हिन्दु नेपालीको चाड बडा दशैं लागेको छ । विशेषतः दशैंमा सबैभन्दा बढि प्रयोग हुने चिज हो मासु । यस चाडमा मासुको बढी मात्रमा प्रयोग गरिन्छ ।

मासुको प्रयोगमा हामिले ख्याल नराख्दा धेरै समस्याहरु आउने गर्छ । मासु प्रयोग गर्दा सकेसम्म ताजा र कम प्रयोग गर्नु नै स्वास्थ्यका लागि राम्रो मानिन्छ । तर, एक पटक काटेको मासु दशैँभर नै प्रयोग गरेको पनि पाइन्छ ।

यस्तो मासु खाँदा स्वास्थ्यका लागि निकै खतरा पनि हुने गर्दछ । त्यसैले तपाई हामिले ध्यान दिनै पर्ने कुराहरु विभिन्न हुन्छन् । यसकारण मासु खाँदा र मासुको परिकारबारे ख्याल गर्ने पर्ने कुराहरु निम्न छन्ः

– मासु तथा मासुजन्य पदार्थको उत्पादन स्वस्थ पशुपन्छीको बध गराउनु पर्छ ।
– आफूले सेवन गर्ने मासु सफा ठाउँमा काटौँ ।
– छाला नखाँदा स्वास्थ्यका लागि राम्रो मानिन्छ ।
– मासुलाई कम्तीमा १२ घण्टा डिपफ्रिजमा राखेपछि खाँदा राम्रो ।
– गन्ध आएको, चिप्लो र रङ्ग निलो भएको मासु खाँदै नखानुस् ।
– फ्रिजमा आफूलाई एक दिनमा आश्यक पर्ने मात्राको पोको छुटा, छुट्टै राखी प्रत्येक दिन एउटा पोको निकालेर पकाउनु बानी गरौँ ।
– फ्रिजमा राखेको मासु राख्ने र निकाल्ने बानी नगरौँ ।
– पशु काटेपछि छाला निकाली सफा र चिसो पानीले मासुलाई पखालौँ ।
– मासु पोलेर नखानुस् ।
– पकाएको मासु धेरै दिन नराखौँ र त्यस्तो मासु नखाँदा नै स्वास्थ्यका लागि राम्रो मानिन्छ ।

यस्ता रोगीले कम खानुस् मासु
दशैँमा अन्य समयभन्दा मासु अनि गुलियो र चिल्लो पदार्थको सेवन बढी मात्रमा हुन्छ । जिब्रोको स्वादका लागि अमिलो, पिरो र मसलाको धेरै प्रयाग गरिन्छ । यसले स्वास्थ्यमा कस्तो असर पार्छ भन्ने बारे भने कमैले ध्यान दिएका हुन्छन् ।

दशैँमा माछा मासुको प्रयोग अत्यधिक मात्रमा हुन्छ । धेरैको घरमा खसीबोका, राँगा, बङ्गुर, कुखुरा, च्याङ्ग्रा काटिन्छ । माछामासुमा पनि दशैँको समयमा रातो मासुको प्रयोग बढी मात्रमा प्रयोग हुन्छ । यो समयमा मासु पकाउनका लागि तेल, मसला र अन्य सामानको प्रयोग बढी हुन्छ । रातो मासुमा यसै पनि चिल्लोको मात्र बढी हुन्छ ।

यसले युरिक एसिड बढाउँछ । रातो मासुको सट्टा सेतो मासु प्रयोग गर्दा स्वास्थ्यलाई लाभदायक हुन्छ । चिकित्सकको भनाइअनुसार रातो मासुमा अत्यधिक प्रोटिनका साथै फ्याटी एसिड पनि प्रशस्त मात्रमा हुन्छ । मासुमा भएको कोलेस्ट्रोल र फ्याटी एसिडले स्वास्थ्यलाई बढी हानी गर्छ । यसले मुटु रोगीलाई बढी हानी गर्छ भने मुटु रोगको खतरा पनि निम्त्याउँछ । रातो मासु भन्नाले चार खुट्टे जनावरको मासुलाई जनाउँछ भने सेतो मासु भन्नाले कुखुरा वा माछालाई जनाउँछ । कुखुरा, माछा, अस्ट्रिज र इमुलगायतको मासु रातो मासु भन्दा फाइदाजनक मानिन्छ ।

छालायुक्त मासु खाँदै नखानुस्
छानासहित जनवारको खुटट पखेटा, साँप्रोमा चिल्लो पदार्थ, कोलस्ट्रोल र क्यालोरीको मात्रा बढी रहेको हुन्छ । यसले पनि विभिन्न रोगहरू निम्त्याउँन छ । सँगै खसीबोका, राँगा, च्याङ्ग्रालगायतको जनावरको छालामा काटिएका रौँ पनि रहन्छ । त्यसैले यस्ता छाला भएको मासु खाना अस्वस्थकर मानिन्छ ।

मसला कम गर्नुस्
दशैँमा परिकारहरूमा मसलाको प्रयोग अत्यधिक मात्रमा हुनेगर्छ । चिल्लोसँगै मसला धेरै प्रयोग गर्दा त्यसले स्वास्थ्यमा समस्या ल्याउन सक्छ । मासुका परिकारमा बेसार, अदुवा, खुर्सानी, जिरा, मरिच, मेथी, सुप, धनियाँ धेरै राख्नु पनि रामो होइन । बजारमा पाइने रेडिमेड मसलाहरूको शुद्धतामा ग्यारेन्टी गर्न नसकिने हुँदा तिनीहरूले शरीरमा समस्या ल्याउन सक्छन् । त्यसैले घरमै तयार गरेको मसला खाँदा राम्रो हुन्छ ।

दशैँको बेलामा दीर्घरोगीहरूले स्वास्थ्यको विशेष ध्यान दिन जरुरी हुन्छ । दशैँमा खानपिनमा ध्यान नदिदा, मधुमेह, उक्तचाप, मुटु र एसिडका बिरामीले बढीमा मात्रमा ध्यान दिनुपर्ने हुन्छ । मुधुमेहका बिरामीले गलियो र चिल्लो पदार्थ खानु हुँदैन ।

प्रतिक्रिया सबै