दिनुवा शिरमा
![](https://skynepalnews.com/wp-content/uploads/2022/09/Gangaram-Rai-7-768x352.jpg)
कविता : दिनुवा शिरमा
दिनुवा शिरमा छ अग्लो डाँडा छ मुसरी
यो सुन्दर गाउँको बर्णन गर्दै छु यसरी
कस्तो रमाईलो छ जताततै देख्ने ठाउँ
मार्से, बतासे, बोल्पा, नाप्तिकु अनि सुन्दुर दिनुवा गाउँ
उत्तरतर्फ हेर्यो सगरमाथा हिमाल टलल
पश्चिमतर्फ हेर्यो सुनकोसी बग्दै छ सलल
अहिलेको विकासले गर्दा विजुलीले गाउँ नै झलल ।
मार्से गाउँमा जन्मेकाथे वीर, वीर रेग्मी उपाध्याय
दिनुवामा पनि राईहरु थिए राम्रा-राम्रा असाध्य ।
सुन्दर गाउँमा फुल्दछ फूल बेलीचमेली जाई
भमराहरु भुँभुँ रस चुस्छ रमाईरमाई ।
छोरीचेलीहरु अति सफ छिन्
बास्ना दिन्छ मिठो सेन्टले
भाईहरुलाई पनि सुहाउँछ
अति राम्रो जिन्सको पेन्टले ।
भलिबल खेल्न जानु पर्दैन टाढा
अति राम्रो छ ग्राउन्ड भण्डारी डाँडा
दुध-दही खानुपर्यो भने घरघरमा छ भैँसी लैना
यो सुन्दर गाउँको वर्णन गर्न भनी साध्य छैन ।
गंगाराम राई, खोटाङ दिप्रुङ चुईचुम्मा गाउँपालिका बतासे-४ दिनुवा, हाल ललितपुर ।