बागी उम्मेदवार मेन्याङबोप्रति ओलीको टिप्पणी : दिँदाखेरि नखाने राति उठेर कोल चाट्ने
धरान । नेकपा एमालेका अध्यक्ष केपी शर्मा ओलीले सुनसरी १ का बागी उम्मेदवार मनोज मेन्याङबोप्रति लक्षित गर्दै पार्टीले अन्तमा गएर समर्थन गर्छ कि भन्ने भ्रम नपाल्न पनि आग्रह गरेका छन् ।
धरानमा भएको सभालाई संबोधन गर्दै ओलीले मेन्याङबोप्रति आक्रामक बन्दै पार्टी निर्णयविरुद्ध उठेर स्वतन्त्र भएकालाई एमालेका मतदाताले भोट नदिने बताए । ‘समयमा काम गर भन्दा नगर्ने, समयमा उम्मेदवार हौ भन्दा नहुने । दिँदाखेरि नखाने राति उठेर कोल चाट्ने’, उनले भने ।
दलीय व्यवस्था, लोकतन्त्र र प्रजातन्त्रका विरुद्ध षडयन्त्र स्वरुप स्वतन्त्र अभियान चलाइएको ओलीले बताए । ‘यस्तो अभियानको भ्रममा पर्नु हुँदैन, अहिले साथीहरु कोही भ्रममा नपर्नु होला, नेकपा एमाले एउटा अनुशासित पार्टी हो, राजनीतिक पार्टी हो’, उनले भने ।
मनोज मेन्याङबोप्रति आक्रामक बनेका ओलीले जनता समाजवादी पार्टीका उम्मेदवार अशोक राईको भने प्रसंशा गरेका थिए ।
यो पनि पढ्नहोस्
